وه‌زاره‌تا سامانێن سروشتی: ئه‌گه‌ر خه‌رجییێن په‌ترۆلێ هندی یێن عیراقێ لێ هاتن، به‌نزین دێ بیته‌ 450 دیناری

د.غەزال هۆستانی، ڕێڤه‌به‌را گشتییا گرێبەستان ل وەزارەتا سامانێن سروشتییا هەرێما کوردستانێ ڕاگه‌هاند،
* خەرجییێن بەرهەمئینانا په‌ترۆلێ بۆ هەر بەرمیلەکی ل هەرێما کوردستانێ نێزیکی 16 دۆلارن‌، د دەمەکیدا کو ل عیراقێ ب تنێ 4 دۆلارن.
* ژبەر ڤێ بلندبوونا خەرجییێن بەرهەمئینانا په‌ترۆلێ ل کوردستانێ، حکومەتا هەرێمێ نه‌شێت بەنزینا 450 دیناری به‌لاڤكه‌ت.
* ئەگەر حکومەتا عیراقێ خەرجییێن په‌ترۆلا کوردستانێ هندی یێن خۆ لێ بکەت و ژ 16 دۆلاران بۆ 4 دۆلاران کێم بکەت، وەزارەتێ دێ شیان هەبن، بهایێ بەنزینا حکومی بۆ هەر لتره‌کێ بكه‌ته‌ 450 دینار.
* حكومه‌تا عیراقێ پشكه‌كا مه‌زن یا بودجه‌ی بۆ هنارتنا به‌نزینێ دابین دكه‌ت و ب 450 دیناران دده‌ته‌ وه‌لاتییێن خۆ، لێ چ پشكان یان پاره‌ی بۆ هه‌رێما كورستانێ ناهنێریت.
* ژبه‌ر ڤێ چه‌ندێ، وەزارەتا سامانێن سروشتییا هەرێمێ دگه‌ل وه‌زاره‌تا په‌ترۆلا عیراقێ د دانوستاندنان دانه‌.
* چاڤه‌ڕێیه‌ ل ده‌مه‌كێ نێزیك ئاریشه‌یا به‌نزینێ چاره‌سه‌ر ببیت.