سەرۆکێ هەڤپەیمانییا دەولەتا قانوونێ ڕاگەهاند، چارچووڤێ هەماهەنگیێ لژنەکا تایبەت بۆ پرسا کۆنترۆلکرنا چەکی د دەستێ دەولەتێ دا پێکئینایە و د زووترین دەم دا ب هەماهەنگی ل گەل حکومەتێ دێ دەست ب کارێن خۆ کەت.
ئەڤرۆ سێشەمبی، 18ـی تەباخێ 2026، نڤێسینگەها ڕاگەهاندنا نوری مالکی، سەرۆکێ هەڤپەیمانیا دەولەتا قانوونێ، د ڕاگەهاندنەکێ دا دیارکر: سەرۆکێ هەڤپەیمانیا دەولەتا قانوونێ ل نڤێسینگەها خۆ پێشوازی ل جۆشوا هاریس، کاربرێکەرێ بالیۆزخانا ئەمریکا ل عێراقێ کر و د کۆمبوونێ دا بەحسێ پاشەڕۆژا پەیوەندیێن ناڤبەرا عێراقێ و ئەمریکا و رێکێن پێشڤەبرنا وان هاتە کرن، ب رەنگەكی ل گەل رێککەفتنا چارچووڤێ ستراتیژی یا دناڤبەرا هەر دوو وەڵاتان بگونجیت و سەروەری و سەربەخۆیا عێراقێ بپارێزیت.
