ل سالا ٢٠٢٠ ھژمارەکا قەیران و شەر و ئالۆزییان ل جیھانێ دا روودان، رۆبێرت مالی، رێڤەبەرێ گشتی یێ گرووپێ قەیرانان و ھاریکارێ تایبەت یێ باراک ئۆبامای، سەرۆکێ بەرێ یێ ئەمریکا پێشبینی دکەت ل سالا ٢٠٢١ رەوشا جیھانێ زیدەتر ئالۆز ببیت، ئەو ڤێ یه‌كێ ژی بۆ چەندین فاکتەران ڤەدگەرینیت، ھەکە روو بدەن و ئەنجامێن وان ژی د باش نابن، ژ وان ژی:
ڤەکێشانا ژ نشکەکێڤە یا ھێزێن ئەمریکا ل ئەفغانستانێ، دێ مەترسییا ھەلکرنا شەرەکێ مەزن و بەرفرھـ ژێ دروست بیت.
مامەلا خراب یا ئەسیوپیا ل گەل ھەرێما تیگرای، دێ کارڤەدانێن چەکداری ژی پەیدا بن.
کودەتایا ھەڤشێوێ مالی ژ ئەنجامێ تۆرەبوونا خەلکێ ژ نایجیریا و بۆرکینافاسۆ.
شەرێ یەمەنێ دی بەردەوام بیت و ب ملیۆنان کەسێن دی دێ تووشی نەھامەتییان بن.
کەمپینا گۆشەگیرکرنا سەرۆکێ ڤەنزویلا دێ چرتر بیت.
سەختەکاری د ھەلبژارتنێن سەرۆکاتییا سۆمالێ دا دێ شەری نافخۆیی ژێ پەیدا بیت.
رەنگە ئاگربەستا لیبیا بھێتە بنپێ کرن و شەر دەستپێبکەت.
زێدەبووونا ئالۆزییان دێ رێککەفتنا ئەتۆمی یا ئیرانێ ئێخیتە مەترسیێ و ئەگەرێ دەستپێکرنا شەری ژێ پەیدا بیت.
بەر ئێک کەفتنا رووسیا و تورکیا ل دەڤەرێن جھێ ناکۆکییان، رەنگە شەر ژێ پەیدا ببیت.
گوھۆرینا سەقای دێ رەوشێ ئالۆز کەت.
