بۆ رێگرتن ل بهلاڤبوونا جۆرێ نوو یێ ڤایرۆسێ کۆرۆنایێ، سوبه رۆژا ئێكشهمبێ فرەنسا دێ سنۆرێن خوه د گهل وهلاتێن دەرڤهیا ئێكهتیا ئەورۆپا دا گریت و دێ گەشت د ناڤبهرا وان دا راوهستن.
ژۆن کاستێکس، سەرۆکوەزیرێن فرەنسا پشتى کۆمبوونێن بلهز ئەو بریار راگەهاند و هۆشداریا مەترسیا کۆرۆنایا نوو دا و ل رۆژا ئێكشهمبى دێ هەموو مۆل و بازارێن مهزن ل فرەنسا هێنه گرتن.
ل گۆرهى بریارا نوو یا فرەنسا، ئەو کەسێن ل وهلاتێن ئێكهتیا ئەورۆپا سەردانا فرەنسا دکەن، پێدڤى ب پشکنینایه.
دهمێ چەند حهفتیێن بوورى دا، هژمارا تووشبوو و مرنێ ب کۆرۆنایێ ل فرەنسا زێدهبوویه و نۆشداران داخواز ژ حکومەتێ دکەن قەدەغەیا گشتی رابگەهینن.
فرەنسا زێدهتر ژ سێ ملیۆن و 153 هزار تووشبوویێن کۆرۆنایێ تۆمارکرینه، پتر ژ 75 هزار و 600 کەسان ژى گیان خوه ژ دەستدایە.
