خانی نیوز:
ده‌سته‌یا ده‌سپاكیا عیراقی راگه‌هاندیه: دێ مووچێ وان په‌رله‌مانتار و به‌رپرسێن حكومی هێته راگرتن، ئه‌وێن قه‌بارێ مولك و سامانێ خوه ئاشكرا نه‌كرین.
رۆژناما سه‌باح یا عیراقی، ئه‌ڤرۆ شه‌مبیێ راگه‌هاندیه، ل سه‌ر داخوازیا ده‌سته‌یا ده‌ستپاكیێ مووچێ وان په‌رله‌مانتار و به‌رپرسێن ئه‌منی ناهێته خه‌رج كرن، یێن سامانێ خوه ئاشكرا نه‌كرین، هه‌ر چه‌نده 94% یا په‌رله‌مانتارێن عیراقی پابه‌ند بووینه ب ڤێ بریارێ.
ئه‌و ژی گۆتیه: هه‌ر ئێك ژ سه‌رۆكاتیا په‌رله‌مانی، سه‌رۆكاتیا جڤاتا وه‌زیران، وه‌زیر و جێگرێن وان، ئه‌ندامێن په‌رله‌مانی و ئه‌وێن د وان پله‌یان دا، سه‌رۆكێ جڤاتا بلند یا دادی، داواكارێ گشتی، سه‌رۆك و ئه‌ندامێن دادگه‌ها بلند یا فیدرالی لدووڤ قانوونا ده‌سته‌یا ده‌ستپاكیێ دڤێت سامانێ خوه ئاشكرا بكه‌ن.
موعته‌ز عه‌باسی، رێڤه‌به‌رێ خوه پارێزیێ ل ده‌سته‌یا ده‌ستپاكیێ گۆتیه: هه‌رسێ سه‌رۆكاتیان و هه‌موو وه‌زیران، ژ بلی وه‌زیرێ دارایی و په‌یوه‌ندیان سامانێ خوه ئاشكرا كریه، لیستا ناڤێن په‌رله‌مانتاران و به‌رپرسێن دیتر و وه‌زیران هاتینه هنارتن بۆ جهێن شۆله‌ژێ، داكو مووچێ وان بهێنه راگرتن، هه‌تا وی ده‌مێ زانیاریان دده‌نه ده‌سته‌یا ده‌ستپاكیێ، هه‌كه ئه‌و به‌رپرسه د به‌رده‌وام بن ژ ئاشكرا نه‌كرنا زانیاریان ده‌رباره‌ی سامانێ خوه، دێ ده‌سته‌یا ده‌ستپاكیێ رێكارێن تۆندتر ل دژی وان گرته‌به‌ر.
