د پێشهاتەکا دبلۆماسی دا، پاکستان وەک ناڤبەینكارەكا سەرەکی د ناڤبەرا وەلاتێن ئێکگرتی یێن ئەمریکا و ئیرانێ دا دیار بوویە، لدووڤ هندەک ژێدەران، پاکستانێ پێشنیارەکا 15 خالی یا ئەمریکا گەهاندیە تەهرانێ، ئەڤ دەسپێشخەرییە ئاماژەیە بۆ دەسپێکرنا قووناغەکا نوو یا دبلۆماسییا چڕ، کو هەڤتەریب دگەل ئۆپەراسیۆنێن سەربازی یێن بەردەوام دهێتە کرن.

عاسم مونیر، سەرۆک ئەرکانێ سوپایێ پاکستانێ، رۆلێ ناڤبەینکارێ سەرەکی دگێڕیت؛ ئەو مفایی ژ پەیوەندیێن خۆ یێن بهێز ل گەل سوپایێ پاسداران و بەرپرسێن دی یێن ئیرانێ وەردگریت بۆ نێزیککرنا هەردو لایەنێن شەڕی.
لدووڤ میدیایێن ئەمریکی، عاسم مونیر پەیوەندی ب محەمەد باقر قالیباف، سەرۆکێ پەرلەمانێ ئیرانێ کریییە، ب مەرەما پێشنیارکرنا مێهڤانداریکرنا دانوستاندنێن راستەوخۆ ژ لایێ وەلاتێ پاکستانێڤە.