خانی نیوز:
ته‌ڤگه‌را خه‌باتا عه‌ره‌بى بۆ رزگاركرنا ئه‌هوازێ راگه‌هاند، هه‌والگێریا ئیرانێ د ناڤا ئاخا توركیا دا سه‌رۆكێ به‌رێ یێ وێ ته‌ڤگه‌رێ ره‌ڤاندیه.
لژنا راپه‌راندنێ یا ته‌ڤگه‌را خه‌باتا عه‌ره‌بى بۆ رزگاركرنا ئه‌هوازێ د به‌یانه‌كێ دا راگه‌هاند، حه‌بیب ئسێود، سه‌رۆێ به‌رێ یێ وێ ته‌ڤگه‌رێ ژ ئالیێ هه‌والگیریا ئیرانێ ڤه ل ناڤا ئاخا توركیا ره‌ڤاندیه، وه‌لاته‌كێ كه‌نداڤى ژى د وێ كریارێ دا هاریكار بوویه.
ته‌ڤگه‌را رزگاركرنا ئه‌هوازێ ئه‌و كریار شه‌رمزار كر و دوپات كر، ئیران ژ ژیانا حه‌بیب ئسێود به‌رپرسه، هه‌مان ده‌م داخواز ژ ده‌ستهه‌لادارێن ئه‌منى یێن وه‌لاتێن توركیا و سوێدێ كر بۆ ئاشكراكرنا هووركاتیێن وێ روودانێ هاریكار بن.
ته‌ڤگه‌را خه‌باتا عه‌ره‌بى بۆ رزگاركرنا ئه‌هوازێ گۆت ژى: ئه‌و دێ هه‌موو رێكارێن قانوونى گرنه به‌ر بۆ دویڤچوونا ره‌ڤاندنێ و زانینا چاره‌نڤیسێ و گه‌ره‌نتیكرنا ژیانا وى.
ئیرانێ سه‌رۆكێ به‌رێ یێ ته‌ڤگه‌را رزگاركرنا ئه‌هوازێ ل توركیا ره‌ڤاند
