خانی نیوز: قائید میرۆ:
رێڤەبەرێ ناحیا زومار ئاشکراکر،پشتی رێکەفتناد ناڤبەرا ھەردو حکومەتێن ھەرێما کوردستانێ و یا فیدرال بۆ ئاساییکرنا رەوشا شنگالێ، دەڤەرێن دیژی دخوازن رەوشا وان ب هه‌مان ئاوایى بھێتە ئاساییکرن.
ئەحمەد گەرگەری،رێڤەبەرێ ناحیا زومار بۆ خانی نیۆز ئاشکراکر، خەلکێ زومار و دەڤەرێن سەر ب تەلەعفەر ڤه دخوازن پێشمەرگەڤەگەریت دەڤەرێن وان و گۆت، بابەتێ کەمپا عەمەل ھاتیە راگرتن و رازینابنمالباتێن داعش ل زومار بھێنە ئاکنجی کرن.
ئەحمەد گەرگەری دیارکر،ئه‌وان وەکو ئیدارەیا زومار و ھەموو خەلک و ئیدارەیا قەزا تەلەعفەر دژایەتیا خۆ بۆڤەکرنا کەمپا عەمەلیا نێزیکی زومار نیشادایە،یاکو بەری نوکە بریاربوومالباتێن داعش یێن کەمپا ھۆلێڤەگەڕینن عێراقێ و ل زومار بھێنە ئاکنجیکرن،ئه‌و دگەل پارێزگارێ مووسل کۆمبووینە و نوان ژی ھەمان بۆچوونهه‌بوو و ب چو شێوەیەکیل سه‌ر وێ یه‌كێ رازى نابن،ژبه‌ركو دێ ره‌وشا زومار و هه‌موو ده‌ڤه‌رێ تێكده‌ن.
لدۆر ئاساییکرنا رەوشا زومار ژى ئەحمەد گەرگەری ئاماژەکر، ھەتا نوکە چو بریارێن فەرمیبۆ ئاساییکرنا دەڤەرا زومار نینن، بەلێ ئەودخوازن رەوشا دەڤەرا زومارژی مینا دەڤەرا شنگالێ بھێتە ئاساییكرن و ئالۆزیێن بەری نوکە ھەین نەمینن،هه‌روه‌سا ئه‌و دخوازن ھێزێن پێشمەرگەیڤەگەرنه زومار و دگەل سوپایێ عێراقێ دەڤەرێژ مەترسیێن ھەییبپارێزن،
ئەحمەد گەرگەری، رێڤەبەرێ ناحیا زومار دوپات كر، خەلکێ زومار و رەبیعە و عیازیە ب کورد و عەرەبڤە ھەمان داخواز ھەیە بۆڤەگەراندنا ھێزێن پێشمەرگەى و ئاساییکرنا رەوشا دەڤەرێن وان، ژبەرکو خەلکێ وان دەڤەرانسه‌ربۆر دگەل ھێزێن پێشمەرگەیھەنەو پشتراستنب هه‌بوونا پێشمەرگەى ل دەڤەرێ تیرۆرست نەشێن مەترسیێ پەیدا بکەن.
خەلکێ زومار دخوازیت وەکی شنگالێ رەوشاوان ئاسایى بیت
