خانی نیوز:
وهزارهتا ناڤخوهیا ئیراقێ راگههاند، پشتى داوى هاتنا شهرێ دژى رێكخستنا تیرۆرستیا داعشێ ل سالا دوهزار و نۆزدێ، رێژهیا خوهكوشتنێ ل ئیراقێ زێدهبوویه و سهدا پێنجى ژ زیندانیان فێرى مادێن هشبهر بووینه.
وهزارهتا ناڤخوهیا ئیراقێ د بهیانهكێ دا راگههاند، سالا دوهزار و ههژدێ پێنجسهد و ههژده حالهتێن خوهكوشتنێ هاتینه تۆماركرن، ل سالا دوهزار و نۆزدێ ژى پێنجسهد و ههشتێ وههشت كهسان خوهكوشتیه.
ئاشكرا ژى كر، ژ سهدا پێنجى ژ زیندانیان ل ئیراقێ فێرى بكارئینانا مادێن هشبهر بووینه و مادێن كریستال و فینیسیلاین كو ب ترسترین دو مادێن هشبهرن.
وهزارهتا ناڤخوهیا ئیراقێ گۆت ژى: ئیراق وهلاتهكێ بهرههمهینهر نینه بۆ ماددێن هشبهر، بهلكو ماده ژ وهلاتێن دى دهێن و د ئهڤساله دا دوهزار و نههسهد و سیهـ و شهش كهس ژبهر وان مادان هاتینه دهستهسهركرن.
رێژهیا خوهكوشتنێ ل ئیراقێ زێدهبوویه
