خانی نیوز:
سهرۆك مهسعوود بارزانی پیرۆزباهی ل سهرۆكێ نوویێ ئهمریكا كر ب ههلكهفتا سهركهفتنا وی د ههلبژارتنێن سهرۆكاتییا ئهمریكا دا و بوویه سهرۆكێ چل و شهشێ یێ وی وهلاتی.
سهرۆك مهسعوود بارزانی ب ههلكهفتا سهركهفتنا وی د ههلبژارتنێن سهرۆكاتییا ئهمریكا دا، د تویتهكى دا پیرۆزباهی ل جۆ بایدن، بهربژارێ دیمۆكراتان كر.
سهرۆك بارزانى د پهیاما خوهدا گۆت: ئهو ب گهرمى پیرۆزباهیێ ل دۆستێ خوه بایدنى دكهت یێ د ههلبژارتنان دا سهركهفتى و بوویه سهرۆكێ نوو یێ ئهمریكا.
سهرۆك بارزانى گۆت ژى: ئهو یێ ب هیڤیه و داخواز دكهت دونیا ل ژێر سهركردایهتییا بایدنى ب ئاشتى بژیت و پتر پێشڤه بچیت.
پشتى راگههاندنا ئهنجامێن داویێ یێن ههلبژارتنێن سهرۆكاتییا ئهمریكا، جۆ بایدن، بهربژارێ دیمۆكراتان سهركهفت و بوو سهرۆكێ چل و شهشێ یێ ویلایهتێن ئێكگرتى یێن ئهمریكا.
