خانی نیوز:
پارێزگارێ هه‌ولێرێ ئه‌ڤرۆ ژ ئه‌گه‌رێ ڤایرۆسێ كۆرۆنایێ د ژیێ چل و دوسالان دا ژ ده‌رڤه‌یێ وه‌لاتی كۆچا داویێ كر.
ل گۆر ئاگاهیێن خانی نیوز، فه‌رسه‌ت سۆفی، پارێزگارێ هه‌ولێرێ، ئه‌ڤرۆ رۆژا چارشه‌مبێ د ژیێ چل و دو سالان دا ل نه‌خۆشخانه‌یه‌كا ژ ده‌رڤه‌یێ وه‌لاتی كۆچا داویێ كر، پشتی ماوه‌یه‌كێ درێژ ب نه‌خۆشكه‌فتنا وی ب ڤایرۆسا كۆرۆنایێ.
رێڤه‌به‌رێ نڤێسینگه‌ها پارێزگارێ هه‌ولێرێ ل نه‌هێ ڤێ مه‌هێ راگه‌هاندبوو؛ فه‌رسه‌ت سۆفی تووشی ڤایرۆسا كۆرۆنایێ بوویه و ل نه‌خوشخانه‌یه‌كا هه‌ولێرێ یه و پاش ره‌وشا وی به‌ره‌ڤ خرابیێ ڤه چۆ و بۆ نه‌خۆشخانه‌یه‌كا ژ ده‌رڤه‌یێ وه‌لاتی هاتییه ڤه‌گوهاستن و ل وێده‌رێ كۆچا داویێ كر.
دكتۆر فه‌رسه‌ت سۆفی، ل قه‌زا چۆمان ژ دایك بوویه، دكتۆرا ل یاسایا گشتی هه‌یه، چه‌ندین پۆست د ناڤا حكومه‌تێ دا وه‌رگرتینه و ل مه‌ها نه‌هـ یا سالا بۆری بوویه پارێزگارێ هه‌ولێرێ.
فه‌رسه‌ت سۆفی، پارێزگارێ هه‌ولێرێ كۆچا داویێ كر
