لیژنا بلندا یا به‌رهنگاربوونا كۆرۆنایێ دێ بریارێ ل سه‌ر چاره‌نڤیسێ ده‌واما قوتابیان ده‌ت

خانی نيوز:
وه‌زاره‌تا په‌روه‌ردێ و لیژنا بلندا یا به‌رهنگاربوونا كۆرۆنایێ ل هه‌رێما كوردستانێ دێ كۆم بن و بریارێ ل سه‌ر چاره‌نڤیسێ خواندنا قوتابیان ده‌ن.
ئالان حه‌مه‌ سعید، وه‌زیرێ په‌روه‌ردێ یێ حكومه‌تا هه‌رێما كوردستانێ د پرێسكۆنفراسه‌كى دا راگه‌هاند، ئه‌و دێ د گه‌ل لژنا بلند یا به‌رهنگاربوونا كۆرۆنایی كۆمبوون و داتایێن خو ل دۆر خواندنا قوتابیان ده‌نه‌ وه‌زاره‌تا ساخله‌میێ و لیژنه‌ دێ بریارێ ل سه‌ر چاره‌نڤیسێ ده‌واما قوتابیان ده‌ت.
ئالان حه‌مه‌ سعید ئاشكرا ژى كر، به‌رى نوكه‌ داتایێن تووشبوویان ل ناڤه‌ندێن خواندنی داینه‌ وه‌زاره‌تا ساخله‌میێ و دویڤچوون بۆ بابه‌تى هاتیه‌ كرن و ئه‌ڤرۆ رۆژا ئێكشه‌مبى و ل گۆره‌ى وان ئاگاهییان دێ هه‌لسه‌نگاندن بۆ ره‌وشا خواندنێ هێته‌كرن.
ل گۆره‌ى گۆتنا وه‌زیرێ په‌روه‌ردێ، وه‌زاره‌تا وان نه‌شێت بریارێ ل سه‌ر ڤه‌كرن یان داخستنا قوتابخانان بده‌ت و ئه‌و بریار د ده‌ستێ وه‌زاره‌تا ساخله‌میێ دایه‌.
حكومه‌تا هه‌رێما كوردستنانێ ل ده‌سپێكا ئه‌ڤساله‌ بریار دا پولا ئێكێ و دویێ بنه‌ره‌تى د گه‌ل پولا دوازدێ ل قوتابخانان ده‌وامێ بكه‌ن و پولا سیێ تاكو یازدێ ب شێوه‌یێ ئه‌لكترونى وانا وه‌ربگرن، ڤێ بریارێ ژى  قوتابی و مامۆستا و كه‌سوكارێن قوتابیان نه‌رازیكرینه‌.