خانی نیوز، قائید میرۆ
سەرۆک بارزانی د پەیامەکێ دا دوپاتى ل حەرامکرنا شەرێ کورد کوژیێ کر و مامۆستایەکێ زانکۆیێ ژی دبێژیت، نابیت پەکەکە ببیتە ئەگەرێ پەیداکرنا شەری و پێدڤیە ئەزموونا ھەرێما کوردستانێ بھێتە پاراستن، نەک بازار لسەر ئەردێ ھەرێمێ بھێتەکرن.
دکتۆر شێرزاد زەکەریا، مامۆستایێ زانکۆیێ بۆ خانی نیۆز دیارکر، ھەر دەستپێکا دامەزراندنا پەکەکێ وه‌لاتێن دەڤەرێ بتایبەتێئیراقێ ھاریکاریا پەکەکێ کریە، بەلێ مخابن پشتی سەرھەلدانێ شەرێ ناڤخۆ دناڤبەرا ھەرێما کوردستانێ و پەکەکێ دا روودا، مەیدانا خەباتا پەکەکێ نە باشوورێ کوردستانێیە، بەلکو پێدڤیە ئەو بچنە باکوور خەباتێ بکەن و چەندین جاران ژلایێ ھەرێما کوردستانێ بزاف ھاتینەکرن ئاریشەیا کوردان ل باکوورێ کوردستانێ بشێوەیەکێ سیاسی بھێتە چارەسەرکرن،تا وى راده‌ى دبیت حكومه‌تا تورکیاژی پێ خۆشبیت پەکەکە لسەر خاکا ھەرێما کوردستانێ مژویل بیت.
دکتۆر شێرزاد زەکەریائاشكرا كر،ژ پەیاما سەرۆک بارزانی دیاربوو دەستەک لپشت پەکەکێ ھەیە،ژبه‌ركو ئەو جھێ بۆریا پەترۆلێ ھاتیە پەقاندن دەستێ پەکەکێ ژی زۆر ب ساناھی ناگەھیتێ و پێشبینی دھێتەکرن ب پیلان ھاتبیتە پەقاندن، ژلایێ قانوونیڤە مەیدانا پەکەکێیا دیارە و مە بڤێت و نەڤێتکوردستان ھاتیەپارچه‌كرن بۆ چوار پارچانو ھەرێماکوردستانێژى دژایەتیا چو پارچێن دییێن کوردستانێ ناکەت، بەلێ دڤێت ئەزموونا ھەرێما کوردستانێ و دەستکەفتێن کوردان ل ئەڤێ پارچێ بەرچاڤ بھێنە وەرگرتن، ئەڤە قۆناغەکا دیرۆکیە و پێدڤیە کورد رەوشا ئێک بەرچاڤ وەربگرن، ھەتا دەمێ بارزانی نەمر چوویە کۆمارا مھاباد لرۆژھەلاتێکوردستانێگه‌له‌ك ب ھەستیاری سەرەدەری دگەل رەوشێ دکر ھەتا حکومەتائیراقێیا وی سەردەمی نەبیتە دوژمنا کوردێن رۆژھەلات و کۆمارا کوردستانێ.
دکتۆر شێرزاد زەکەریا، مامۆستایێ زانکۆیێ گۆتژی: ئەڤرۆ گوندێنهه‌رێمێ دھێنە سۆتن و چەندین گوند نەھاتینە ئاڤاکرن و کی ھەیە قەرەبوویا خەلکى بکەت، وەلاتیێن ھەرێما کوردستانێ ھیڤیەک ھەبوو رژێما بەعس بچیت و بچن گوندێن خوه ئاڤا بکەن، بەرۆڤاژی نوکە کورد بخوه ئەگەرێ نە ئاڤاکرنا ولاتێ خوه‌نە.
ل گۆره‌ى گۆتنا دکتۆر شێرزاد زەکەریا، پێدڤیه پەکەکە ب عاقلانەتر سەرەدەریێ دگەل رەوشێ بکەت، نوکە ل شنگالێ پەکەکێ دەستھەلات ھەیە، حکومەتائیراقێ دشێت بھێزێ پەکەکێ ل شنگالێ دەر بکەت و قانوونێن ناڤدەولەتی رێکێ ددەتئیراق كار بۆ دەرکرنا پەکەکێ بكه‌ت،هندى ھەرێما کوردستانێیا بھێز بیت بۆ پەکەکێ باشترە، ھەر پیلانەک ھەبیت دژی ھەرێما کوردستانێ ژلایێ پەکەکێڤە، دەستپێکێدێ زیان بۆ پەکەکێ ھەبنپاشى بۆ ھەرێما کوردستانێ.
دکتۆر شێرزاد زەکەریا ئاماژەکر، دەمێ پێشمەرگە چووینە کۆبانێ بۆ بەرەڤانی کرن ژ خاکا رۆژئاڤایێ کوردستانێ چو بازار نەکرن لسەر داگیرکرنا رۆژئاڤایێ کوردستانێ، خەلک ل ھەولێرێ ھەتا زاخۆ لسەر جادەیان بۆ پێشوازیا پێشمەرگەی راوەستیان ھەتا بچن ھاریکاریا برایێن خۆ ل رۆژئاڤایێ کوردستانێ بکەن، پشتی پێشمەرگەی کۆبانێ ئازادکری و داعش شکەستن ئینای ئێکسەر پێشمەرگەڤەگەریا جھێ خوه، ئەڤە روحەکا کوردینیێ بوو، پێدڤیە پەکەکه ئەڤێ روحا کوردینیێ بھێلن بخوه نەبنە ئەگەرێ دژایەتیا برایێن خۆ لباشوورێ کوردستانێ.
مامۆستایەکێ زانکۆیێ:نابیت پەکەکە بازاری لسەر ئەردێ ھەرێما کوردستانێ بکەت
