خانی نیوز:
كۆمبوونا شاندێ دانوستاندكارێ حكومه‌تا هه‌رێما كوردستانێ د گه‌ل هه‌ر ئێك ژ سه‌رۆكوه‌زیران و سه‌رۆكێ جڤاتا نوونه‌رێن ئیراقێ ب داوى هات، هه‌ردو ئالییان ژى پێگیریا خوه ب قانوونا پڕكرنا كورتهینانا دارایى دیار كر، یا جڤاتا نوونه‌رێن ئیراقێ ل مه‌ها بوورى بێ پشكدارییا نوونه‌رێن كورد په‌سه‌ند كرى.
ل گۆره‌ى به‌یانه‌كا ئۆفیسا مسته‌فا كازمى، سه‌رۆكوه‌زیرێن ئیراقێ، د كۆمبوونا د گه‌ل شاندێ حكومه‌تا هه‌رێما كوردستانێ دا، میكانیزما بجهئینانا قانوونا پڕكرنا كورتهینانا دارایى هات گۆتوبێژكرن، ب شێوه‌یه‌كى كو بۆ به‌لاڤكرنا شایستێن دارایى بۆ هه‌موو ده‌ڤه‌رێن ئیراقێ یه‌كسانى ل به‌رچاڤ بهێت وه‌رگرتن.
شاندێ حكومه‌تا هه‌رێما كوردستانێ ب سه‌رۆكاتییا قوباد تاله‌بانى، جێگرێ سه‌رۆكوه‌زیران نها ل به‌غدایه و دانوستاندنان د گه‌ل حكومه‌تا فیدرال دكه‌ت بۆ دیتنا چاره‌یه‌كا گونجاى بۆ كێشه‌یێن دارایى و پشكا هه‌رێما كوردستانێ د بودجا گشتیی دا و مووچه‌یێن فه‌رمانبه‌رێن هه‌رێمێ.
