خانی نیوز:
ل وه‌لاتێ بریتانیا سرا نه‌خۆشان بۆ نشته‌گه‌رییه‌كێ ده‌مێ پیڤایى تۆماركر، زێده‌تر ژ 162 هزار نه‌خۆشان ل سرایا نشته‌گه‌رییان بو ده‌مێ ساله‌كێ چاڤه‌رێ بوون.
ل هه‌یڤا ئۆكتۆبه‌را ئه‌ڤساله زێده‌تر ژ 162 هزار نه‌خۆشان ل سرا نشته‌گه‌ریێ بوون، زورترین ده‌مێ سرا نه‌خۆشى بو نشته‌گه‌ریێ ژى 12 سال بوون كو وى نه‌خۆشى ژ سالا 2008 سرا گرتبوو.
ل گوره‌ى دوماهى ئامارێن سه‌نته‌رێ خزمه‌تگوزاریێن ساخله‌مى ل بریتانیا، هه‌ژمارا چاڤه‌رێیان بو خزمه‌تگوزاریێن ساخله‌مى ل بریتانیا بله‌ز زێده دبیت، تا دوماهیا هه‌یڤا ئۆكتۆبه‌را ئه‌ڤساله زێده‌ترى چار ملیۆن و 400 هزار كه‌سان ل سرا خزمه‌تگوزاریێن ساخله‌مى چاڤه‌رێبوونێ بوون.
سه‌نته‌رێ خزمه‌تگوزاریێن ساخله‌می یێ بریتانیا دبێژیت: كه‌سه‌كى نیازا پشكنین و چاره‌سه‌ریێ هه‌بیت دڤێت بكێمى یازده حه‌فتییان چاڤه‌رێ بیت تا سرا دگه‌هیتێ.
