سه‌رۆكوه‌زیرێن هه‌رێما كوردستانێ هێرشێن پارتییا كاركه‌رێن كوردستانێ په‌كه‌كێ ل سه‌ر هێزێن پێشمه‌رگه‌ى و ده‌ستوه‌ردان د خوه‌نیشادانانێن هه‌رێمێ دا ب توندى شه‌رمزاركرن.
مه‌سروور بارزانى د زنجیره‌كا تویتان دا هێرشا په‌كه‌كێ یا به‌رى چه‌ند رۆژێن بوورى ل سه‌ر هێزێن پێشمه‌رگه‌ى ل ده‌ڤه‌را ئامێدیێ شه‌رمزار كرن و راگه‌هاند، تا نها سێ پێشمه‌رگه و ئه‌فسه‌ره‌كێ ئاساییشێ ب ده‌ستێ چه‌كدارێن په‌كه‌كێ هاتینه شه‌هید كرن.
مه‌سروور بارزانى دوپات ژى كر، ئه‌و هێرشێن په‌كه‌كێ و بزاڤێن وان بۆ ده‌ستوه‌ردانێ د خوه‌نیشادانێن ئاشتییانه یێن وه‌لاتییێن هه‌رێما كوردستانێ دا، گه‌فن ل سه‌ر سه‌قامگیریا ده‌ڤه‌رێ.
ده‌مێن بوورى چه‌ندین جاران چه‌كدارێن پارتییا كاركه‌رێن كوردستانێ په‌كه‌كێ و ل ده‌ڤه‌رێن جودایێن هه‌رێما كوردستانێ هێرش كرنه هێزێن پێشمه‌رگه‌ى و هه‌ژماره‌كا پێشمه‌رگه و كارمه‌ندێن ئاساییێ شه‌هید و بریندار كریینه.
