وەزیرێ نافخو ل ئیراقێ ژ ئهگهرێ كوشتنا چالاکڤانهكێ ل بەغدا، فەرمان كریه ڤهكولینێ دگهل ژمارەیەکا فەرماندێن ئهمنى یێن بلندێن ئیراقێ بكهن.
شهڤا سێشەمبى 15-12-2020، ژمارەیەک چەکدارێن نهنیاس ل چاردهورا سینەما بەیزا ل گەڕەکا بەغدا جەدید، تەقە ل سەلاح عێراقی، چالاکڤانێ کۆمەلگهها مەدەنی کر و هاته كوشتن.
ل دیف زانیاریان ئهو جهێ سەلاح ئیراقی لێ هاتیهكوشتن ، هێزهكا مهزن یا پۆلیسێن ئیراقی لێبوون وى دهمێ تاوان ئهنجام داى ، کامیرێن چاڤدێریێ ل وێ ناوچێ ژ كار ئێخستینه.
عوسمان غانمی، وەزیرێ نافخو یێ ئیراقێ فەرمان کریه ڤهكولین دگهل موقەدم روکن عودەی رەحومی، بەرپرسێ پۆلیسا ل وێ ناوچێ بكهت و داخازكهته ناڤا وەزارەتێ و ڤهكولین دگهل ژمارهیهكا دى یا فهرماندێن پولیسا بهێنهكرن.
