پارتیا گه‌ل یا كۆمارى یا توركیا جه‌هه‌پێ كو مه‌زنترین پارتییا ئۆپۆزسیۆنێ یه، داخواز ژ حكومه‌تا وه‌لاتێ خوه كر سیسته‌مێ ئێس چارسه‌د یێ به‌رگرییێ یێ رۆسى كارا بكه‌ن.
ئۆنال چه‌ڤیكۆز، په‌یڤدارێ لژنا په‌یوه‌ندیێن ده‌رڤه ل په‌رله‌مانێ توركیا و ئه‌ندامێ سه‌ركردایه‌تییا جه‌هه‌پێ سه‌ره‌راى ره‌تكرنا سزایێن ئه‌مریكا ل سه‌ر توركیا د تویته‌كى دا راگه‌هاند، ئه‌و سزا ژ به‌ر كڕینا سیسته‌مێ ئێس چارسه‌د یێ رۆسى هاتینه سه‌پاندن.
چه‌ڤیكۆز راگه‌هاند ژى: ئێس چارسه‌د پرسا سه‌روه‌رییا توركیا و كڕینا وى سیسته‌مى ژى ژ نه‌چارى بوو، ژبه‌ركو هه‌ڤپه‌یمانێن وان یێن د ناتۆیێ دا ره‌ت كربوو سیسته‌مێ به‌رگرییا ئاسمانى یێ پێشكه‌فتى بده‌نه توركیا، له‌ورا پێدڤییه ب زووترین ده‌م ئه‌و سیسته‌م بهێته كاراكرن.
