جێگرێ سه‌رۆكێ په‌رله‌مانێ كوردستانێ د گه‌ل به‌رپرسێ فه‌رمانگه‌ها په‌یوه‌ندیێن ده‌رڤه یێن حكومه‌تا هه‌رێما كوردستانێ كۆم بوو و پرسا دانوستاندنێن هه‌ولێر و به‌غدا گۆتوبێژكرن.
هێم هه‌ورامى، جێگرێ سه‌رۆكێ په‌رله‌مانێ كوردستانێ پشتى كۆمبوونا د گه‌ل سه‌فین دزه‌یى د تویته‌كى دا راگه‌هاند، پێدڤییه راپۆرتا شاندێ دانوستانكارێ حكومه‌تا هه‌رێمێ د گه‌ل حكومه‌تا فیدرال بده‌نه نوونه‌رێن وه‌لاتان ل هه‌ولێرێ دا هه‌لویستێ هه‌رێمێ بۆ رێككه‌فتنێ ل گه‌ل به‌غدا ل گۆره‌ى ده‌ستوورى بزانن.
شاندێ حكومه‌تا هه‌رێما كوردستانێ ژ رۆژا چارشه‌مبییا بوورى ب مه‌ره‌ما دانوستاندنان بۆ دیتنا چاره‌یه‌كێ بۆ كێشێن هه‌ردو ئالییان ل به‌غدایه، قوباد تاله‌بانى سه‌رۆكێ شاندى ژى ئاشكرا كربوو، ئه‌و دێ ل به‌غدا مینن تا بگه‌هن رێككه‌فتنه‌كێ و به‌رهه‌ڤن ژى داهاتێ په‌ترۆلێ و داهاتێن دى یێن هه‌رێمێ راده‌ستى به‌غدا بكه‌ن.
