ئەندامهكا جڤاتا نوونهرێن ئیراقێ دیا ركر: پیلانگێرییهكا مهزن ژ ئالیێ شیعهیان ڤه بۆ ژناڤبرنا قەوارێ هەرێما كوردستانێ دەستپێكرییه.
بەهار مەحموود، ئەنداما جڤاتا نوونهرێن ئیراقێ ئەڤرۆ پێنجشەمبیى 17 كانوونا ئێكێ، ل پهیجێ خوهیێ تایبەتێ ل فەیسبووكى نڤێسییه، دوهى ئهو شاندێ ژ هەرێما كوردستانێ هاتى، گۆتییه وان ئهو یێن هاتین بۆ بجهئینانا قانوونا كورتئینانا دارایی و د ئامادەنه هەموو خلالان بجهبینن، بەلێ ههتا نوكه ژ ئالیێ حكومهتا فیدرال ڤه چ بهرسڤ نههاتینه دان.
ههروهسا گۆتییه، هەست ب هندێ دكهن، كو پشكهكا مهزن ژ فراكسیۆنێن شیعى بابەتێ هەرێما كوردستانێ كرییه پڕوپاگەندەیا هەلبژارتنێن پێشوەخت، بچووككرن و سنوورداركرنا دەستههلاتێن هەرێمێ بوویە ئارمانجا وان.
د دهمێن بوورى دا چەند جاران ئهندامێنكورد یێن جڤاتا نوونهرێن ئیراقێ هەست ب پیلانگێریێن شیعان كرییه و بزاڤ بۆ بجهئینانا وان پیلانان هاتینه كرن.
