کۆچبەرێن سووری یێن ل لوبنانێ، د ژیانهكا نهخۆش دا دژین و پێدڤى ب هاریكاریا جڤاكێ ناڤدەولهتى ههیه، نەتەوهیێن ئێکگرتى ژى د راپۆرتهكێ دا ئاماژە ب هندێ دایه، 89٪ یا وان مالباتێن سووری یێن ل لوبنانێ دژین گهلهك ههژارن.
شەرێ ناڤخۆیی یێ سووریێ ل سالا 2011 دەستیپێکریه و بوویە ئهگهر ب سهدان هزار کەس ژ خهلكی وى وهلاتى بچنە لوبنانێ، نوكه ژى نێزیکی ملیۆنهك و نیڤان ل وهلاتى دژین.
نوكه لوبنان د قهیرانهكا مهزن دا دژیت، ئەو قەیرانا ئابووری یا وهلاتێ وان گرتى دهمێ چەندین سالانه وهكى وێ نەبوویە، ڤێ چهندێ کاریگەری ل سەر ژیانا وهلاتیان و کۆچبەرێن سووری دروستکریە.
ل گۆرهى ئامارێن نەتەوهیێن ئێکگرتى، 89٪ یا وان مالباتێن سووری یێن ئاكنجیێن لوبنانێ د هەژارییەکا سەخت دا دژین، ل ئۆکتۆبەرا بوورى بهایێ خوارنێ ل لوبنانێ سێ بەرامبەر بوویە و ئەڤێ هژمارەكا زۆر یا کۆچبەرێن سووری قەردار کرینە، ڤێ چهندێ وهكریه كو ئهو كچێن خوه زوو ددهنه شوو و ئهڤ دیارده گهلهك یا مشهیه، زارۆیێ خوه ب زۆرى دبهنه كارى و ناهێلن بخوینن.
