<h2>نێچیرڤان بارزانی، سەرۆکێ هەرێما کوردستانێ ب هەلکەڤتا دەستبکاربوونێ و بۆ خۆدانەنیاسینێ، پێشوازی ل ئیون گیوو شیم، کۆنسۆلێ گشتی یێ نوو یێ کۆمارا کۆریا باشوور ل هەرێما کوردستانێ کر.</h2> <h2> د دیدارەکێدا، سەرۆکێ هەرێما کوردستانێ پیرۆزباهییا دەستبکاربوونێ ل کۆنسۆلێ گشتی یێ نوو یێ کۆریا کر و هیڤییا سەرکەفتنێ د ئەرکێ ویدا بۆ خواست، هەروەسا بەرهەڤییا تمام یا لایەنێن پەیوەندیدارێن هەرێما کوردستانێ بۆ هاریکاری و ئاسانکارییێ د سەرخستنا ئەرکێ ویدا دەربڕی.</h2> <h2> سەرۆکێ هەرێما کوردستانێ سوپاسی و پێزانینێن خۆ بۆ هاریکارییێن کۆریا باشوور دووپاتکرن، جەخت ل سەر حەزا هەرێما کوردستانێ بۆ بهێزکرنا پەیوەندییان دگەل کۆریا و بەرفرەهکرنا هاریکارییا هەڤپشك د هەموو بیاڤاندا کر.</h2> <h2> ژ لایێ خۆڤە ئیون گیوو شیم، پەسنا ڕۆلێ نێچیرڤان بارزانی د پێشڤەبرنا پەیوەندیێن هەردوولایاندا کر، خۆشحالییا خۆ بۆ دەستپێکرنا ئەرکێ خۆ ل هەرێما کوردستانێ دەربڕی و جەخت ل سەر بەردەوامییا بزاڤێن خۆ بۆ گەشەپێدانا زێدەتر یا پەیوەندییان كر.</h2>
