خانی نیۆز: رەمەزان هەرنی
ساڵانە ل وەرزێ زڤستانێ پتریا بەرهەمێن رۆژانە یێن كەسكاتی و زەرزەواتی ل دەرڤەی كوردستانێ دهێنە هەناردەكرن و شارەزایەكێ بوارێ چاندنێ ژی ئاشكرادكەت كۆ پێدڤیە ل جهێ هاوردەكرنێ بهێنە هەناردەكرن بۆ دەرڤە.
عەباس فەتحی، جوتیارەكێ خودان خانوویێن پلاستیكی یە بۆ خانی نیۆز گوت : چوار ساڵە من هژمارەكا خانوویێن پلاستیكی بۆ چاندنێ داناین، بەلێ ژبەر نەبۆنا هاریكاریا ل هەموو وەرزان من شیانێن چاندنێ بۆ فرۆتنێ نینن، ب تنێ ل وەرزێ هاڤینێ بۆ فرۆتنێ بەرهەما دچینم و ئهگهر هاریكاری ههبیت ئهز و گهلهك جۆتیارێن دی دێ شێین بدرێژیا سالێ كارێ چاندنێ كهین.
مامۆستا تاهر سەباح كو شارەزایێ بوارێ چاندنێ یه دبێژیت : ڤان ساڵێن دووماهیێ رێژەكا مەزنا خانوویێن پلاستیكی ل كوردستانێ هاتینە دانان و ل وەرزێ هاڤینێ بۆ كەرتێ چاندنێ دهێنه بكارئینان، ههرچهنده چاندن ل ناف خانوویێن پلا ستیكی كارەكێ نویە بۆ جوتیاران بەلێ مفایەكێ باش ژێ هاتیه دیتن.
گۆتژی: ئەو خانوویێن پلاستیكی كۆ نوكە ل كوردستانێ هاتینە دانان ئەگەر ب رەنگەكێ زانستی كەرتێ چاندنێ تایبەت بەرهەمێ رۆژانە یێ كەسكاتی ل ناڤ بهێتە چاندن دێ ئابووریا جوتیاران ب هێز كەڤیت و جهێ بەرهەم ژ دەرڤە بهێنە هاوردەكرن دێ ژ كوردستانێ هێنە هەناردەكرن بۆ دەرڤە .
دیسان گۆت: پێدڤیە ئامێرێن سارو گەرمیێ بۆ جوتیارا بهێنە دابینكرن و هەڤكاریا وان بۆ دروستكرنا خانوویێن پلاستیكی بهێته كرن هەتا كۆ كوردستان ل وەرزێ زڤستانێ ژی مینا وەرزێ هاڤینێ ببیته خودان بەرهەمێ نافخوەیی و جوتیار ژی وهك پێدڤی مفای ژ خانوویێن پلاستیكی ببینن.
