ژ ئه‌گه‌رێ كراتێكرنا قه‌یرانا دارایى و سستبوونا فرۆتنا به‌رهه‌مێ وان، كۆمپانیا كۆكا كۆلا دوهزار و دوسه‌د كرێكار و كارمه‌ندێن خۆه ژ كارى لادان.
كۆمپانیا كۆكا كۆلا، ئێك ژ كۆمپانیێن ب ناڤوده‌نگێن جیهانێ یه و زێده‌ترى هه‌شتێ و شه‌ش هزار و دوسه‌د كرێكاران هه‌بوون، ل دوماهییا سالا 2019 بریارا كێمكرنا 12% یا كرێكارێن خۆه دا، ل ده‌ستپێكا ئه‌ڤساله ژى ژ ئه‌گه‌رێ به‌لاڤبوونا ڤایرۆسێ كۆرۆنا و داخستنا سنۆران و قه‌ده‌غه‌یا هاتن و چوونێ و نه‌مانا بازارى، تووشى قه‌یرانا دارایى بوویه و هه‌ر ده‌مه‌كى بریارا كێمكرنا ژمارا كرێكارێن خۆه دده‌ت.
دوماهى بریارا وێ كۆمپانیێ وه‌كو ل میدیایێن ئه‌مریكا هاتییه به‌لاڤكرن، كۆمپانییێ هزار و دوسه‌د كرێكارێن خۆه ل بنگه‌هێ سه‌ره‌كى ل باژێرێ ئه‌تلانتا یێ سه‌ر ب ویلایه‌تا جۆرجیا ڤه ل ئه‌مریكا و هزار كارمه‌ندێن دى ل لقێن جودا یێن وه‌لاتێن جیهانێ ژ كارێن وان دوورخستن، ب تنێ ژ ئه‌گه‌رێ داخستنا خوارنگه‌هان، داهاتێ وێ كومپانییێ 9% كێمكرییه.
