سه‌رۆكێ ئینستتیوتا نشتیمانیا ڤه‌كۆلینێن گه‌ردوونى و جیوفیزیكى ل مسرێ گۆت: هه‌سارا موشته‌رى دێ نێزیكى هه‌سارا زوحه‌ل بیت وهه‌ردو ژى ژ مه‌زنه هه‌سارێن كۆما رۆژێ نه، ژبه‌ر وێ یه‌كێ دبێژنه وێ روودانێ نێزیكبوونا مه‌زن.
جاد ئه‌لقازى، سه‌رۆكێ ئینستتیوتا نشتیمانیا ڤه‌كۆلینێن گه‌ردوونى و جیوفیزیكى ل مسرێ دیاركر، نێزیكبوونا مه‌زن د ناڤبه‌را موشته‌رى و زوحه‌ل دا به‌رى چه‌ند رۆژا ده‌ستپێكریه و ئه‌ڤرۆ پشتى رۆژئاڤابوونێ دێ گه‌هیته كوپیتكێ و ده‌سپێكا شه‌ڤێ و دگه‌ل وه‌رزێ زڤستانێ ل نیڤا باكورى روویێ ئه‌ردى نێزیكبوونا وێ دێ زێده‌تر بیت ب 0.1 پله‌یێن كڤانى و دێ ستێرێن ئه‌سمانى ل وێ شه‌ڤێ باشتر برسقن.
حه‌زژێكه‌رێن ڤێ دیاردێ ژى دشێن ب ساده‌یى به‌رێ خۆ بده‌‌نێ بێى كو زیانه‌ك هه‌بیت، به‌لێ ب رێیا تلسكوبێ هه‌ر كه‌س دشێت هه‌ر چوار هه‌یڤێن موشته‌رى ژی ببینیت ل ( ئه‌ورۆبا- ئایۆ- كالیستۆ- جانیمید).
ئه‌ڤ نێزیكبوونه هه‌ر 20 سالان جاره‌كێ روو دده‌ت، دوماهیك جار ژى ئه‌ڤ دیارده ل ئه‌یارا 2000 بوو، به‌لێ نه ب ڤێ نێزیكبوونا نوكه.
