به‌رپرسه‌كێ نافخۆیی دیاركر كو ڤه‌گه‌ریانا په‌نابه‌رێن ل كه‌مپێن پارێزگه‌ها دهۆكێ دئاكنجی بۆ قه‌زا شنگالێ كێم بووینه، هه‌ر چه‌نده هه‌رێم وبه‌غدا رێكه‌فتینه، به‌لێ حه‌زا وان كێم بوویه كو بزڤرنه ڤه. كو ده‌ڤه‌را وان ده‌ڤه‌ره‌كه هه‌ڤركى ل سه‌ر و پتریا وان كوردێن ئێزدینه، خودێدا جوقى رێڤه‌به‌رێ لایه‌نێ باكورى ل قه‌زا شنگال بۆ میدیاێن عه‌ره‌بى وه‌سا دیاركرییه كو پشتى رێكه‌فتنا 20 خێزانێ ڤه‌دگه‌رنه‌ڤه جهێن خۆ كو به‌رى نوكه ب سه‌دهان خێزان ڤه‌دگه‌ریان، و ژلایه‌كێ دیڤه عزا بیر دیان به‌رپرسێ لقا شنگال یا رێكخراوا بارزانى یا خێرخوازى دیار كر كو رێژا ڤه‌گه‌ریانا په‌نابه‌ران پاشڤه‌زڤریه و ئه‌و ماینه ل هیڤیا جێبه‌جێكرنا به‌ندێن رێكه‌فتنێ، په‌نابه‌ر ماینه ل هیڤیا هندێ كو قه‌ربوویا دارایى ژلایێ حكومه‌تا فیدرال ڤه ب ده‌ستڤه‌بینن، هه‌روه‌سا نه ئارامیا كاودانێن ئێمناهیێ ل شنگالێ كو په‌نابه‌ران باوه‌رى ب ده‌ركه‌فتنا هێزێن پارتا كاركه‌رێن كوردستانێ نینه و دبێژن وان بتنێ جلكێن خۆ یێن له‌شكه‌رى گوهارتینه بێى كو ئه‌و ژ باژێرى ده‌ربكه‌ڤن.
لدووڤ رێكه‌فتنا نۆى كو كێشه‌یا دولایه‌نیا ئیدارى دێ هێته چاره‌سه‌ركرن، هه‌روه‌كو كازمى دیاركرى كو پێدڤیه شنگال بهێته پاقژكرن ژ چه‌كدارێن نه‌یاسایى، چ یێن نافخۆیى بن یان ژ ده‌رڤه‌یى وه‌لاتى هاتبن و ئاماژه دایه پارتا كرێكارێن كوردستانێ. كو نوكه دوو رێڤه‌به‌رێن نافخۆیى ل شنگال هه‌نه، ئێك ژ وان یا حكومه‌تا فیدراله و یا دی ژى ئه‌وا ژلایێ ده‌ستهه‌لاتا هه‌لبژارتنانڤه هاتیه دامه‌زراندن، و هه‌موو كارو بارێن خو ل پارێزگه‌ها دهوكێ ب رێڤه‌دبه‌ن.
