مامۆستایهكێ ئابووری ل زانكۆیا زاخۆ گرنگ دبینت كو ل گهل داكهفتنا بهایێ دینارێ ئیراقی بهرامبهر دۆلاری، حكومهتا ههرێما كوردستانێ د ههموو بیاڤان دا دهست ب چاكسازیان بكهت و كورد باجا شاشیێن ئیراقێ نهدهن كو چ مفا ژێ نه وهرگرت بیت.
د. رهنج نووری، مامۆستایێ ئابووری ل زانكۆیا زاخۆ ل سهر داكهفتنا بهایێ دینارێ ئیراقی بۆ خانی نیوز گۆت: لهزاتیا داكهتنا بهایێ دینارێ ئیراقی ب باش نابینیت، پێدڤی بوو ب قۆناغان داكهفتبا، ١٥٠٠ دینار ژى بۆ یهك دۆلاری دێ ٢٠٪ دینار بهایێ خو ژدهست دهت، كارتێكرنا وێ داكهفتنا بهایێ دیناری دبیت ئهگهرێ هندێ ٢٠٪ داهات زێدهبیت و واته ئهڤساله ٢٠٪ ژ كۆژمێ گشتی یێ بودجهی كو دێ بیته نزیكی ٢٠ ملیار دۆلاران و دێ هێت بكارینان بۆ دانا قهران، ژ لایهكێ دی ڤه كهلوپهلێن توركی و ئیرانی دێ ٢٠٪ بهایێ وان گرانبیت، دهرئهنجام نێزیكه ١٠-١٥٪ هاوردهكرن كێمبیت ب تایبهت ژ ئیرانێ، ژبهركو د شیان دایه كهوپهلێن كوالتیا ئیرانی ل ناڤخوه بهێت بهرههمهێنان.
د. رهنج نوورى گۆت: ئهڤ بابهته ب دلێ ئهندامێن شیعه نینه، ئهڤ بهایه وهدكهت داخوازی لسهر بهرههمێن نافخوه زێدهبیت، ههر چهنده بهرههمێ نافخوه كێمه ژى، لێ دێ بیت دهلیڤه بهر ب دانانا كارگههان و كهرتێ چاندنێ زێدهبیت .
ل گۆرهى گۆتنا د. رهنجى، ههموو خوه ل وێ بریارێ ناكهنه خودان، ههموو دێ نانێ خوه ب ئافكا دۆلاری و دیناری خۆن و كهنه مادهك سیاسی بۆ ههلبژارتنان ب بههانهیا بهرژهوهندییا مووچهخۆران، كێمكرنا دهرمالهیان بۆ وێ چهندێ یه ببیته دهستكهفت بۆ لایهنێن سیاسی ل پهرلهمانی بۆ پرۆپاكندا ههلبژارتنان و ئهڤ خاله دێ ل پهرلهمانی هێته لادان وهك پرۆپاكنده، بهلێ پسیارا گرنگ ئهوه بۆچی فهرمانبهرێن ههرێمێ تهحمولا قهرێن ئیراقێ بكهن ب رێژا ٢٠٪ و د بنهرهت دا ههرێم بێ بههر بوو ژ ئهوان قهرێن ئیراقێ وهرگرتین، ئهو گوهۆرین ههموو پێخهمهت دانا قهرانه و تایبهت دهمێ بهلاڤبوونا كۆرۆنایێ و یێن سێ ههیڤێن دوماهی یا سالا 2020، ئهگهرێن ئهڤرۆ بۆ حهفت سالێن بووری ڤهدگهرن، چ وهلات نینن شهرێ تیرۆرستان بكهت و باژێران ب ههرفینن و بهایێ دراڤێ وی نههێته خوار، ئهڤرۆ وهلاتیێن ههرێمێ باجا شاشیێن جعفری و مالكی و عهبادی و عهبدولمههدی ددهن، پهرلهمانتارێن وهلاتان ناهێلن شهر دروست بیت لهوما حكومهتا ژناڤ دبهن و هندهك پهرلهمانتارێن ههرێمێ ژی بتنێ بۆ دژاتیا ههرێمێ كاردكهن و ئهڤ بابهته د فهرههنگا وان دا نینه.
مامۆستایێ ئابووری ل زانكۆیا زاخۆ گۆت ژی: پێدڤی یه حكومهتا ههرێما كوردستانێ و هێزێن سیاسی د ڤێ رهوشێ دا بۆ خهلكێ خوه یێ خوراگر ئاراستهكێ دانن داكو چ كارتێكرنێن مهزن لێ نهبن و ب كریار چاكسازیێ بكهن د ههمی بیاڤان دا و بتایبهت پشتهڤانییا بهرههمێ ناڤخوه و رێگهپێدانا ههر پرۆژهكێ كو ببیته پێگوهۆر بۆ بهرههمێ هاورده، پێدڤییه ئهڤه ببیته دهلیڤه و مفا ژێ بهێته وهرگرتن باشتره ژ راوهستیانێ و هزرێ ل كارڤهدانا بكهن.
خانی نیوز، سالار محهمهد دۆسكی
