خانى نيۆز:
نڤیسەر و ڤەکولەرەکێ کورد بناڤێ ( محەمەد ئونجۆ) ٥٠ ھزار پەندێن پێشینان کومڤەکرینە، ئەو ژی ژبۆ خزمەتا ئەدەب و کەلتورو زمانێ کوردی بەلاڤکرییە، ئەو پەند د چوار بەرگاندا بەلاڤکرینە و نڤیسەری ئاماژە ب وێ چەندێ دایە کو کارێ مە ئەنجامێ خەبات و رەنجا دوور و درێژە.
قاھر باتەیی، نڤیسەرەکێ کوردە ل باکورێ کوردستانێ وەک خزینەک وەسفا ڤێ پەرتووکێ دکەت و دبێژیت پێدڤییە ئەڤ پەرتووکە د ھوموو مالاندا ھەبیت و خزینە ژی بتنێ پارە و زێر نینە، بەلکو خزینا مە وەک کورد زمان و فەرھەنگ کەلتورێ مەیە، دیارکر ژی کو ئەڤ پەرتووکە خەباتا ٣٣ سالێن کارکرنا نڤیسەرییە و بۆ ئێکەم جارە پەرتووکەکا گرنکا ب ڤی شێوەی دھێتە چاپکرن، مامۆستا محەمەد ئونجۆ تەمەنەکی مژوویلی ڤێ پەرتووکێ بوویە.
ئاماژە ب وێ چەندێ ژی کر کو ئەڤ پەرتووکە زێدەتر ژ دوو ھزارچیرۆک ب سەر شێوێ پەندێن پێشینان ب خۆڤە دگریت.
