ئهحمهد ئهدنی :- خانی نیوز
رێكخراو ئاشوری یا خێرخواز ب ههڤكاری دگهل ناڤهندا روشهبیری یا ئاشوری ل دهوكێ رابوینه ب ئاڤاكرنا 6 خانیان بو گوندێ چهقهلا ژێری ل دهڤهرا بهرواری بالا و ئهڤ خانیه د قوناغێن دوماهیێ دانه .
ئهوراهێ شموئیل ئوشانه هاوهلاتیهكێ گوندێ چهقهلا یه د بێژیت ئهڤه 18 ساله ئهز ل ڤێ گوندی دژیم من ماركێتهكا بچیك ههیه و هێشتا نهبویمه خودان خانی لێ بدوماهیك هاتنا ڤێ پروژهی دێ بمه خۆدان خانی و دێ سهر و شنی گوندێ مه ئاڤا بیته ڤه، ئهوراهێ گوتژی گهلهك كهسان دڤێت بهێنه گوندێ باب كالێن خوه لێ ژبهركو چهقلا گوندێ ئێكانه بویه كو چ خزمهت بونههاتینه كرن بهرێ چهند سالان ههمی گوندێن كرستیان برێكا لیژنا كار و بارێن مهسیحیان یا سهر ب حكومهتا ههرێما كوردستانێ ڤه هاتبونه ئاڤاكرن بتنێ گوندێ مه نهبیت ، پشتی ئهڤ خانیه بدوماهیك تێن دێ 6 خێزان پێ سومهند بن و ئهڤه دێ بیته رێخوشكهر كو گوند بتهمامی ئاڤا ببیته ڤه.
عاشور سهرگون ئسخریا بهپرسێ رێكخراوا ئاشوری یا خێرخواز ل دهوكێ گوت وهك قوناغا ئێكێ و ب پشتهڤانیا كومهلا ئاشوری یا خێرخواز ل ئهمریكا ب ههڤكاری دگهل ناڤهندا روشهنبیر یا ئاشوری ل دهوكێ رابوینه ب ئاڤاكرنا 6 خانیان ل گوندێ چهقهلا ژێری و ئهڤ پروژه د قوناغێن دوماهیكێ دایه. عاشور سهرگون گوت كوژمێ 150 ملیون دیناران بو هاتینه تهرخانكرن وئهگهر ڤی پروژهی سهركهفتن ئینا دێ هند پروژێن دیژی ل دهڤهری هێنه ئهنجام دا
بهرپرسێ رێكخراوێ دیسان گوت مه خانی بو هاوهلاتیان ئاڤاكرن لێ دخازین ئهو كارێن ماین وهك ئاڤ جاده كارهب ژ لایێ حكومهتێ ڤه بهێنه ئهنجام دان .
لدور ڤی بابهتی سهربهست سهبری رێڤهبهرێ ناحیا كانی ماسی گوت تا نوكه چ داخازیێن وهسا نههاتینه بهردهستێ مه لێ ئهم دێ ههولدهین داخازیێن وان كهینه د بهرنامێ پروژێن سالا 2021 دا و دێ هاریكار بین بو ههر كارهكێ د بهرژهوندا گشتی دا بیت.
