ئه‌ڤرۆ رۆژا دووشه‌مبى ئه‌ندامه‌كێ په‌رله‌مانێ كوردستانێ ژ لیستا كومه‌لا ئیسلامى یا كوردستانێ مسلم عبدوللایى دیاركرییه كو ئاریشه‌كا مه‌زن دێ ب سه‌ر كه‌رتێ ئاكنجیبوونێ و خانووبه‌ران ل هه‌رێمێ په‌یدا بیت، و گۆت ژى: پتریا خه‌لكێ ئاكنجى ل باژێرێن هه‌رێمێ كرییا خانیان ب دولارى د ده‌ن و هنده‌ك نڤێسینگه‌هێن خانووبه‌ران و قستان د ده‌نه كومپانێن ئاڤه‌دانكرنێ ب دولارى.
و ئاشكرا ژى كر كو پتریا سه‌ره‌ده‌رییا كه‌رتێ خانووبه‌ران و ئاكنجیبوونێ ل هه‌رێمێ هه‌موو ب رێكا دولارینه و پشتى بلندبوونا بهایێ دولارى دێ ئاریشه‌كا گه‌له‌ك مه‌زن په‌یدابیت، و پێدڤیه حكومه‌تا هه‌رێمێ بهایان ب دینارى ب دانیت و هه‌لسه‌نگاندن بهێته‌كرن ل سه‌ر دوماهیك بها، به‌رى كو ژلایێ به‌نكا مه‌ركه‌زیڤه بهێته بلندكرن.
و ئاماژه ب هندێ ژى دا كو ئه‌ڤ ئاریشه دێ كارتێكرنێ ل سه‌ر هه‌موو كه‌رتێن دى ژى كه‌تن و دێ بیته ئه‌گه‌رێ راوه‌ستاندنه‌كا ته‌مام بؤ پتریا پرۆژێن ئاڤه‌دانكرنێ.
