بڕیارە ئێڤاریا ئەڤرۆ خۆنیشاندان ل بەغدا دژی بڕیارا بلندکرنا دۆلاری بھێتە كرن و پەرلەمانتارەکێ کوردژی ئاشکرا دکەت، لپەرلەمانی 111 ئیمزا بۆ لێپرسینێ ل حكومهتا کازمی ھاتینە کۆمکرن لدۆر بلندکرنا بھایێ دۆلاری.
شێروان میرزا، ئەندامێ پەرلەمانێ ئێراقێ بۆ خانی نیوز دیارکر” بڕیارا بانکا ناڤەندیا ئێراقێ کاریگەری لسەر بازاڕێ ئێراقێ کریە و بڕیارە خۆنیشاندان دژی ئەڤێ بڕیارێ ل بەغدا و دەڤەرێن دی یێن ئێراقێ بھێنە كرن، ھەگە خۆنیشاندانێن بەرفرهـ بھێنەکرن ئەڤە دێ بڕیارا بلندکرنا دۆلاری ھێتە ھەلوەشاندن، بەرۆڤاژی ژبلی خەلکێ ئێراقێ کەس نەشێت کاریگەریێ لسەر بڕیارا بانکا ناڤەندی بکەت.
لدۆر بزاڤێن پەرلەمانی ژی ئەڤی پەرلەمانتاری گۆت” ھەتا ئەڤرۆ ئێڤاری ٧٠ ئیمزا ژلایێ پەرلەمانتاران ھاتینە کۆمکرن بۆ گازیکرنا سەرۆک وەزیرێن ئێراقێ و لایەنێن پەیوەندیدار لدۆر بلندکرنا بھایێ دۆلاری، بەلێ دیار نینە دێ کەنگی ھێنە پەرلەمانی.
شێروان میرزا دبێژیت” ئەز باوەرناکەم کار بگەھیتە وەرگرتنا باوەریێ ژ حوکمەتا مستەفا کازمی، بەلێ ھەگە رەوشا بازاڕی بڤی بیت و دەنگێ نەڕازیبوونێ بلندتر ببیت ئەڤە بێگومان دێ رەوش ئالۆزبیت و پێشبینی دھێتەکرن وی دەمێ مینا حكومهتا عادل عەبدولمەھدی حكومهتا کازمی ژی ببیتە قوربانی.
