سێ کەسان ل قەزا ھەلەبجەیا نوو سەر ب پارێزگەھا سلێمانیێ ڤە گۆسکەکێ کەڤن یێ پڕی زیڤ دیت و دخواستن بازاری پێبکەن، ژ ئالیێ ھێزێن ئێمناھیێ ڤە ھاتن گرتن و دەست ب سەر گۆسکی دا گرت.
رێڤەبەرێ ئاساییشا شارەزوورێ د بەیانەکێ دا کو کۆپیەک بۆ خانی نیوز ھنارتیە راگەھاند، ھێزێن ئاساییشێ دەست ب سەر گۆسکەکێ گەڤنێ پڕی زیڤ دا ل مالەکێ ل تاخێ ھەلەبجا نوو دا گرت و شەشسەد و شێست و شەش پارچێن زیڤێ گەڤن تێدا بوون، کو پێشتر ل نێزیک ناوچەدارییا وارماوە ھاتبوون دیتن.
ئاساییشا شارەزوور ئاشکرا ژی کر، ئەو کەسێن گۆسک د گەل دا ھاتیە گرتن، دخواستن بازاری پێبکەن، لێ ب بریارا دادوەری و ل گۆرەی ماددەیێ شێست و سێ ژ قانوونا شوونواران ئەو کەس ھاتن دەستەسەرکرن و لێکۆلین د گەل دا دەستپێکرییە.
خانی نیوز، عەزیز ھەورامی
