جڤاتا ئاساییشا ناڤدهولهتى سهر ب نهتهوهیێن ئێكگرتى ڤه دێ ل دۆر بهرنامێ ئهتۆمى یێ ئیرانێ كۆم بیت.
جڤاتا ئاساییشا ناڤدهولهتى دێ ل دۆر بهرنامێ ئهتۆمى یێ ئیرانێ كۆم بیت، ژبهركو بهرى نها وێنهكێ ههیڤا دهستكرد ئاشكهراكریه، ئیرانێ ل نێزیكى بنگههێ ئهتۆمى یێ فۆردۆ دهزگهههكێ نوى یێ ئهتۆمى دروستكرییه.
ل گۆرهى ئاژانسا ناڤدهولهتى یا وزا ئهتۆمى، ئیرانێ ل سالا 2020 پیتاندنا یۆرانیۆمى زێدهكرییه، ب جۆرهكى یۆرانیۆمێ پیتاندى دوازده جاران ژ وى قهبارهى زێدهتره یێ ل رێكهفتنا سالا 2015 بۆ هاتییه دیاركرن.
ئاژانسا ناڤدهولهتى یا وزا ئهتۆمى سهر ب نهتهوهیێن ئێكگرتى ڤه ئاشكهراكر، تا ههیڤا ئیلۆنا ئهڤساله، یۆرانیۆمێ پیتاندى یێ ئۆمباركرى ل ئیرانێ گههشتییه دوهزار و چارسهد و چل و دو كیلۆگرامان، د دهمهكى دا ل گۆرهى رێكهفتنێ پێدڤى بوو تههران دوسهد و دو كیلۆگرامان زێدهتر یۆرانیۆمى ئۆمبار نهكهت، وێ گاڤا ئیرانێ دلگرانى ل نك وان وهلاتێن ئهورۆپا دروستكرییه یێن هێشتا د ناڤ رێكهفتنێ دا ماین.
ژ ئالیێ خوهڤه هایكۆ ماس، وهزیرێ دهرڤه یێ ئهلمانیا هۆشدارى دانه ئیرانێ و دیاركر، سهركهفتنا بایدنى و ئهگهرێ ڤهگهریانا وهلاتێ ئهمریكا بۆ رێكهفتنا ئهتۆمى، دهرفهتهكه نابیت ئیران ژ دهست بدهت، گۆت ژى: سهرۆكێ ههلبژارتى یێ ئهمریكا ب روونى ئاماژه ب وێ چهندێ كرییه ئامادهیه ڤهگهریته ناڤ رێكهفتنا ئهتۆمى ئهگهر ئیران یا پێگیر بیت.
ژ ئالییهكێ دى ڤه حهسهن رۆحانى، سهرۆككۆمارێ ئیرانێ پێگیریا وهلاتێ خۆه ب رێكهفتنێ ب گاڤێن وهلاتێن دى یێن ئهندام ڤه گرێدایهو ئاشكرا دكهت، ههر دهمێ وهلاتێن پێنج كۆ ئێك یان چار كۆ ئێك ب رێكهفتنێ پێگیر بن، ئهو ژى دێ ب ههمى رێكهفتنێ پێگیر بن.
گرۆپێ چار كۆ ئێك هێشتا بهرگریێ ژ رێكهفتنێ دكهن، دۆپات ژى دكهن، چاڤهرێى ڤهگهریانا ئهمریكا و پێگیریا تههرانێ ب خالێن رێكهفتنێ دكهن.
