جڤاتا وه‌زیرێن ئیراقا فیدرال كۆم بوو و بودجه‌یا سالا دوهزار و بیست و ئێكێ په‌سه‌ند كر و ئۆفیسا سه‌رۆكوه‌زیران چ رۆهنكرن ل دۆر چاوانى و شێوازێ په‌سه‌ندكرنێ نه‌دان.
مسته‌فا كازمى، سه‌رۆكوه‌زیرێن ئیراقێ بۆ رۆژنامه‌ڤانان راگه‌هاند، بودجه ده‌ستى بۆ مووچه‌یێ فه‌رامنبه‌ران نابه‌ت كو ته‌خا مه‌زنا جڤاكى نه، به‌لكو ئه‌و بودجه دێ ته‌خێن بلند كه‌ته ئارمانج.
كازمى گۆت ژى: بودجه ئێخستییه به‌رده‌ستێ هه‌موو كوتلێن سیاسى و هه‌موو یان پشته‌ڤانى لێكرییه، هه‌مان ده‌م حكومه‌تا توركیا ژى به‌رهه‌ڤییا خوه دیار كرییه پێنج ملیار دۆلاران بده‌ته ئیراقێ.
ل گۆره‌ى ئاگاهییان د پرۆژه‌قانوونا بودجه‌یا سالا دوهزار و بیست و ئێكێ دا، هه‌ر به‌رمیله‌كا په‌ترۆلێ ب چل و دو دۆلاران هاتیه خه‌ملاندن و رۆژانه سێ ملیۆن و دوسه‌د و پێنجى هزار به‌رمیل دێ هێنه فرۆتن كو دوسه‌د و پێنجى هزار به‌رمیل یێن هه‌رێما كوردستانێ نه.
