بەرپرسێ لیژنا دۆزخورماتوو یا پارتی تایبەتراگه‌هاند، داعشێ ل گوندا بتەمامی ھەبوونا خۆ ھەیە و چەکدارێن وی بەلاڤبووینە و بزاڤێن ھێرشکرنا وان چالاک بووینە ل سەر ھێزێن ئیراقێ و وەلاتیێن سڤیل یێن دەڤەرێ.
ئەرسەلان عەلی، بۆ خانى نیوز ئاشكرا كر، داعشێ ب سەدان چەکدار ل ده‌ردۆرێن خۆ خڕڤەکرینە و ھەمی بشێوێ مەفرەزان بەردەوام چالاکیێن تیرۆرستی دكەن، چ ب چەکێ نیشانگر یان چەکێن جودا یێن سڤک ھێرشی ھێزێن ئیراقێ دکەن.
بەرپسێ پارتی دوپاتکر، ئەو ھێزێن لەشکرێ ئیراقێ نەشێن بەرەڤانیێ ژ خۆ بکەن و ل دەڤەرێن ل ژێر دەستھەلاتا وان خەلکی سڤیل بپارێزن، لەورا بتنێ کارێن وان بووینە دانانا زالگەھان و وەرگرتنا سەرانێ ژ وەلاتیێن کورد، ئەڤە ھەمی ژى بۆ نەبوونا ھێزێن پێشمەرگەی ل وان دەڤەران ڤەدگەریت.
پشتی خیانەتا ١٦ ئۆکتۆبەرا سالا ٢٠٠١٧ ھێزا پێشمەرگەی ل دەڤەرێن کوردستانێ یێن دەرڤەی ئیدارا ھەرێما کوردستانێ ھاتینە ڤەکێشان، ئالیێ مفادار بتنێ داعش بوو، ژبه‌ركو ھێزا لەشکرێ ئیراقێ یا لاوازە و پێگەھێ لەشکری وێ کارتێکرنێ ل سەر تێرۆستان ناکەت.
خانی نیۆز، عەزیز ھەورامی
