رێڤه‌به‌رێ نەخوشخانەیا جمهوری ل سلێمانیێ راگه‌هاند، ژنه‌كا ٩٩ سالى یا تووشبوویا کۆرۆنایێ، كو نەخۆشیا بلندبوونا فشارا خوینێ و دلى ژى هەبوو و ڤایرۆس ده‌ربازكر.
داهات حەوێزی، رێڤه‌به‌رێ نەخۆشخانەیا جمهوری ل سلێمانیێ گۆت: ژنه‌كا دانعه‌مر ژ دایکبوویا سالا ١٩٢١یه، نەخۆشیا بلندبوونا فشارا خوینێ و دلی هەبوو و تووشی کۆرۆنایێ ژى ببوو، ده‌مێ ل نەخوشخانێ وه‌سا دیار بوو هه‌ودانا سیهان هه‌یه و پێدڤى ب ئۆکسجینى هەیە.
ئاماژه كر، ئه‌ڤ ژنە گه‌له‌كا كێم خوین بوو و دو بتلێن خوینی وەرگرتینه، پاشى تووشی بێهوشی و جەلتا مێشکى بوو.
داهات حەوێزی ئەو ژى دیاركر: پشتى زێده‌تر ژ حه‌فتیه‌كێ ساخله‌میا وێ یا باشە و ژ نه‌خوشخانه‌یێ ده‌ركه‌فتیه.
