بسپۆرەکێ ساخلەمیێ راگەھاند؛ ڤایرۆسێ نوو ل چەندین وەلاتێن دی ژبلی بریتانیا بەلاڤ بوویە و ھەر ڤایرۆسێ کۆرۆنایە لێ جیناتێن خوە گوھارتینە.
دکتۆر ئەحمەد میرئاودەلی، بسپۆرێ ساخلەمیێ بۆ خانی نیوز راگەھاند؛ ڤایرۆسێ نوو نە تنێ ل بریتانیا بەلاڤ بوویە، بەلکو ل چەند وەلاتێن دی ژی بەلاڤ بوویە، ھەر ڤایرۆسێ کۆرۆنایە لێ جیناتێن خوە گوھارتینە و ھەر ھەمان نیشانێن وێ ھەنە و تنێ ل دەمێ پشکیننێ دھێت زانین کو نە کۆڤید نۆزدەیە و ھەر چەندە نەیا دژوار و مەترسیە وهک کۆرۆنایێ لێ زۆر ب لەز بەلاڤ دبیت.
خویا ژی کر، پێدڤییە حکومەتا ھەرێمێ بەرھەڤییان بۆ بەرھەنگاربوونا ڤایرۆسێ نوو ژی بکەت ههكه گەھشت کوردستانێ ب شێوەیەکێ مەترسیدار دێ بەلاڤ بیت و چاڤدێرییا کەسانێن ژ دەرڤە دھێن بکەن.
دکتۆر سامان بەرزنجی، وەزیرێ ساخلەمیی ژی راگەھاندییە؛ رێکارێن پێدڤی ل ھەرێمێ دێ ھێن بەرھەڤکرن ژ بۆ بەرھەنگاربوونا ڤایرۆسێ نوو و رێڤەبەریێن ساخلەمیێ ھاتینە راسپاردن ھەر کەسەکێ ژ بریتانیا ڤەگەریت بکەڤیتە دبن چاڤدێریێ دا.
ھەولێر، قائید میرۆ
