قەبارێ بودجا نوو یا ئیراقێ بۆ سالا ٢٠٢١ کۆژمەکێ مەزنە، ل گۆڕ وێ کوپیا ھاتیە بەردەستکرن ژ رەشنڤیسا بودجێ ب کۆژمێ پتر (١٥٠) تڕلیۆن دیناران ھاتیە خەملاندن، کو دبیتە پتر ژ (١٠٠) ملیار دۆلارێن ئەمریکی، ئەڤە کۆژمەکێ مەزنە، نەخاسم ل دووڤ پێشبینیان کو رەوشا ئیراقێ یا ئالۆز وبێ سەروبەر بوو دڤیا بودجەکا کێمتر ھاتبا تەرخانکرن.
بودجا سلا نوو ب کورتەئینانا (٥٨) ترلیۆنان ھاتیە خەلامندن، ئانکو پتر ژ سێکیا قەبارێ بودجێ، کو پتریا وی ئیراقێ بۆ مەزاختیێن تەشغیلی و موچان و پاداشتان فەرمانگەھێن ئیراقێ دمەزێخیتن.
کوژمێ (٢.٤) تڕلیۆن دینار بۆ دەستەیا حەشدا شەعبی یا ئیراقێ ھاتیە تەرخانکرن،کو پرَانیا چەکدارێن وی میلیشیاتێن سەر ب ئیرانێ ڤە و ئیران پشتەڤانیا وانا دکەت، وەکی رێکخراوا بەدر و عەسائیب ئەھل حەق و حزبوللا و نوجبا و کەتیبێن خورسانی و ھەتا …
بڤی رەنگی بودجا دەستەیا حەشدا شەعبی ل گۆڕ ژێدەرێن ئیراقێ پتر ژ یا ٦ وەزارتێن ئیراقێ یە کو ئێک ژوان وەزارەتان وەزارەتەکا سیادیە، ( وەزارەتا داد، دەرڤەیا ئیراقێ ، رەوشەنبیری،سامانێن ئاڤی ، وپلان دانان، و ڤەگوھاستنێ).
ھەروەسا بودجا حەشدا شەعبی ژ یا وەزارەتا پەروەردا ئیراقێ ژی پتر پێچک ژ یا وەزارەتا ساخلەمیێ کێمترە، و نێزیکی بودجا پارێزگەھا بەغدایە، و پتر ژ بودجا چار پارێزگەھان پێکڤە نەینەوا و زیقار و نەجف و دیوانیێ.
بودجا حەشدا شەعبی هندى ٦ وزارەتێن ئیراقی و ٤ پارێزگەھایە
