بهڕێوهبهری گشتی بهنداوهكانی كوردستان دهڵێ، بهو بڕه پارهی سهرۆك وهزیران مهسروور بارزانی بۆ بهنداوهی دهربهندیخان دابینكردووه، بهتهواوهتی مهترسی لهسهر بهنداوهكه نامێنێت و جێگیری دهگهڕێتهوه بۆ پێش بوومهلهرزهكهی ساڵی 2017.
ئهكرهم ئهحمهد، بهڕێوهبهری گشتی بهنداو و كۆگاكانی ئاو له وهزارهتی كشتوكاڵ و سهرچاوهكانی ئاو له ههرێمی كوردستان، به خانی نیوز ڕاگهیاند: حكوومهت زیاتر له دو ملیار و دوسهد و ههشتا ملیۆن دیناری بۆ نووژهنكردنهوهی كۆتایی بهنداوی دهربهندیخان تهرخانكردووه.
وتیشی: له ساڵی 2017 كاتێك بهنداوی دهربهندیخان بههۆی بههێزی بوومهلهرزهكهوه زیانی زۆری بهركهوت، ههرئهوكات بڕی ملیارێك دیناری بۆ تهرخانكرد، ئێستاش له وهجبهی دووهمی بودجه بۆ نۆژهنكردنهوهی پارهی بۆ تهرخانكرد، بهغداش بڕێ پارهی بۆ نۆژهنكردنهوهی بهنداوهكه تهرخانكرد بهڵام كهم بوو.
ئاماژهی بۆ ئهوهشكرد: بهو پارهی ئێسته بۆ بهنداوی دهربهندیخان نووژهنكردنهوهی دهگهڕێتهوه بۆ پێش ساڵی 2017 بهتهواوهتی ئهو شوێنانهی زیانی بهركهوتووه نۆژهندهكرێتهوه، دهتوانن بڵێن ئیتر هیچ مهترسێك لهسهر بهنداوی دهربهندیخان نامێنێت.
بهنداوی دهربهندیخان تهمهنی 60 ساڵه و سێ یهكهی بهرههم هێنانی كارهبایی تێدایه، ئهگهر ههرسێكیان كاربكهن توانایی بهرههم هێنانی 249 میگاوات كارهبایان ههیه، تواناییی گلدانهوهی دو ملیار و 600 مهتر سێجا ئاوی ههیه.
خانی نیوز،عهزیز ههورامی
