بریار دێ ل سه‌ر دانا قستێن ب دۆلارى هێته‌ دان

محه‌ممه‌د شوكرى، سه‌رۆكێ ده‌سته‌یا وه‌به‌رهێنانێ ل هه‌رێما كوردستانێ راگه‌هاند: كو ئه‌و دێ ره‌وشا خه‌لكى ل به‌رچاڤ وه‌رگرن و دێ بزاڤا هاریكاریكرنا وان كه‌سان كه‌ن ئه‌وێن قستێن یه‌كه‌یێن ئاكنجیبوونێن وان ب دولارى، ئه‌ڤه‌ ژى دێ بیته‌ چاره‌سه‌رییه‌كا گونجاى كو زیان ب كه‌سێ نه‌كه‌ڤیت و دا دیار كرن كو پشتى سه‌رێ سالێ دێ دگه‌ل هه‌مى وه‌به‌رهێنه‌ران كومبن وبریارا دوماهیێ ده‌ن.

سه‌رۆكێ ده‌سته‌یا وه‌به‌رهێنانێ ل هه‌رێما كوردستانێ هه‌روه‌سا ئاشكراكریه‌: كو تا نوكه‌ بهایێ دولارى به‌رامبه‌رى دینارى گه‌له‌ك بلند بوویه‌ و ئه‌و خه‌لكێن قست ل سه‌رن‌ موچه‌یێن وان ب دینارى نه، له‌ورا مه‌ هزرا هندێ كریه‌ چاره‌سه‌ریه‌كا گونجاى ببینین دناڤبه‌را وه‌به‌رهێنه‌ران و ئه‌و كه‌سێن قست ل سه‌ر، بۆ هندێ ژى كاریگه‌ریه‌كا زۆر ل سه‌ر داهاتێ هاولاتیان ب تایبه‌تى فه‌رمانبه‌ران نه‌كه‌ت.