فرۆشیار دبێژن، ئەو گەلەک مفای ژ کارێ ل سەر جادان دبینن، ژبەرکو باجە و کرێیا دوکان و کارەب و ئاڤێ نادەن و فێقی و کەسکاتی ل سەر جادەیان ئەرزانتر ژ دوکانان دھێنە فرۆتن، وەلاتی ژی دبێژن، فرۆتنا فێقی ل سەر جادا گشتی دبیتە ئەگەرێ رێکگرتنێ و پیسبوونا بازارێ شێلادزێ.
جەلال جەمیل رێکانی، ئێک ژ فرۆشیارێن فێقی و کەسکاتی ل سەر جادەیان بۆ خانی نیوز دبێژیت: بۆ دەمێ چەندین سالانە ئەو ڤی کارێ دکەت و گەلەک مفا ژێ دیتیە، ھەروەسا وەلاتی ژی مفایەکێ باش ژێ دبینن، ئەو یێ نەچارە ڤی کاری بکەت ژبەرکو چ داھات نینن، کرێیێن دوکانان ژی گەلەک گرانن لەورا نەچارن ل سەر جادەیان فێقی و کەسکاتی بفرۆشن و ئەرزانتر ژ دوکانان و خەلک ژی نەچارە بکرن.
عزەددین سەلمان، ئاکنجیێ شێلادزێ بۆ خانی نیوز گۆت: فرۆتنا کەلوپەلان ل سەر جادان کار ئاسانیەکە بۆ خەلکی، ژبەرکو ئەرزانتر ژ دوکانان فرۆشن، لێ دخوازن جھەکێ تایبەت بۆ وان فروشیاران بھێتە دابینکرن ژبەرکو کارتێکرنەکا مەزن ل سەر رویێ شارستانی و جوانی و پاقژیا باژێری کریە، گەلەک جاران ژی رێک دھێتە گرتن و ھاتنوچوون ل سەر ریکا سەرەکی بزەحمەت دکەڤیت.
سەردار فەرسەت ئێک ژ فروشیاران دیار کر، ژبەرکو ئەو خەلک ھەردو ژ وی بازاری مفادارن، داخوازێ ژ حکومەتێ دکەن جھەکێ تایبەت بۆ وان دابینبکەن دا خەلکژ وان بێزار نەبیت.
