هه‌لبه‌ستڤانێ كوردێ مه‌زن، محه‌مه‌د عه‌لی شاكر، د ژیێ 74 سالیێ دا ئه‌ڤرۆ، پێنچ شه‌مبی، ل نه‌خۆشخانه‌كێ ل باژێرێ قامشلۆ ل رۆژئاڤایێ كوردستانێ ب ئه‌گه‌رێ ڤایرۆسێ كۆرۆنایێ وه‌غه‌را داویێ كر و ژڤانه ل باژێرێ عامووێ ئه‌ڤرۆ بهێته ڤه‌شارتن.
هونه‌رمه‌ندێ مه‌زنێ كورد، مه‌حمود عه‌زیز شاكر، دپه‌یوه‌ندیه‌كا تێله‌فونی دا بۆ خانی نیوز نووچه‌یێ وه‌غه‌ركرنا برایێ خوه راگه‌هاند و گۆت: سپێده‌هییا ئه‌ڤرۆ برایێ وى هوزانڤان و ئاوازدانه‌ر محه‌مه‌د عه‌لی شاكر وه‌غه‌ركر ا داویێ كر و هه‌ر ئه‌ڤرۆ ل باژێرێ عاموودێ دێ هێته ڤه‌شارتن.
مه‌حمود شاكر گۆت ژی: هه‌لبه‌ستڤان و ئاوازدانه‌ر وه‌غه‌ركری ستران داینه گه‌له‌ك سترانبێژان وه‌ك مه‌حمود عه‌زیز شاكر، گولستان، شریڤان، محه‌مه‌د خالد، محه‌مه‌د شێخو و گه‌له‌كێن دی، په‌رتووكا وی ژى ل به‌رده‌ستی هه‌بوو دا چاپ كه‌ت و نه‌گه‌هشت.
ژ سترانێن په‌یڤێن هونه‌رمه‌ندێ وه‌غه‌ركری محه‌مه‌د عه‌لی شاكر، یێن ب ده‌نگێ مه‌حمود عه‌زیز شاكر هاتینه گۆتن، وه‌ك سترانێن: به‌ردلێ من پر شرینه، حه‌بسو زیندان، ئای دلو دلو ئه‌مان دلو، ئامینا و گه‌وهه‌رێ، گه‌له‌ك سترانێن دی.
جهێ ئاماژه‌كرنێ یه كو محه‌مه‌د عه‌لی شاكر ژبلی نڤێسن و دانانا هۆزان و ئاوازان، نیگاركێش و باشنڤێسه‌كێ بناڤ و ده‌نگ ژى بوو، هه‌لگرێ باوه‌رناما ماسته‌رێ بوو ب زمانێ ئنگلیزی.
خانی نیوز: سالار محه‌مه‌د دوسكى
