<h2>نێچیرڤان بارزانی سەرۆكێ هەرێما كوردستانێ پەیامەك ل دۆر هێرشا مووشەكییا بالیستییا ئیرانێ بۆ سەر بارەگایێن پێشمەرگەی بەلاڤكر.</h2> <h2> نێچیرڤان بارزانی د پەیاما خۆدا دیاركر، ئەو ب توندی ئیدانەیا هێرشا مووشەكییا ئیرانێ دكەن، سەرەخۆشییێن خۆ ئاراستەیی بنەمال و كەسوكارێن سەربلند یێن شەهیدان دكەن و هەڤپشكێن خەما وانە، هیڤییا زوو ساخبوونێ بۆ برینداران دخوازن.</h2> <h2> هەروەسا دیاركر، هەرێما كوردستانێ هەردەم فاكتەرێ ئارامی و سەقامگێرییێ بوویە، ئەو پابەندن ب سیاسەتا تێكەلنەكرنێ و دووركەڤتنێ ژ هەڤركییان، ب چ شێوەیا گەف نینن بۆ سەر وەلاتێن جیران، لەوما ئەڤ هێرشە، دەستدرێژییەكا دوژمنكارانە یا ئێكسەرە بۆ سەروەرییا وەلاتی و چ بهانە بۆ نینن، ب تمامی بەرۆڤاژی بنەمایێن جیرانییا باشن.</h2> <h2> سەرۆكێ هەرێما كوردستانێ ل دووماهییا پەیاما خۆ ڕاگەهاند، ئەو داخوازێ ژ حكومەتا فیدرالییا عیراقێ و كۆمەلگەها نێڤدەولەتی دكەن، بزاڤێن خۆ چڕ بكەن بۆ ڕێگرتنێ ژ دووبارەبوونا ئەڤان دەست درێژییان و پاراستنا سەروەرییا ئاخا عیراقێ.</h2>
