هێزێن ئێمناهییا توركیا د ئۆپهراسیۆنهكێ دا ل پارێزگهها وانێ ل باكورێ كوردستانێ سیهـ و ئێك تیرۆرستێن داعشێ دهستهسهركرن.
ل گۆرهى راگههاندنهكا رێڤهبهرییا ئاساییشا وانێ، تیمێن دژهتیرۆرێ ب ههڤكارییا تیمێن دهزگههێ ههوالگیریا نشتیمانى میتێ، ئۆپهراسیۆنهك بۆ دهستهسهركرنا سیهـ و چار ئهندامێن گرۆپێ عامر ئۆناى دهستپێكر، كو سهر ب رێكخستنا تیرۆرستییا داعشێ ڤهنه و ل باژارێ وانێ یێ باكورێ كوردستانێ چالاكى دكرن.
رێڤهبهرییا ئاساییشا وانێ ئاشكرا كر، د وێ ئۆپهراسیۆنێ دا سیهـ و ئێگ بهرگۆمان هاتن گرتن، دهست ژى ب سهر ههمژارهكا بهلگهنامه و پرتووكێن داعشێ دا ل جهێ مانا وان هات گرتن.
ههموو دهستهسهركرى ژى پشتى پشكنینێن نۆشدارى بۆ لێكۆلینێ رهوانهى رێڤهبهرییا ئاساییشا وێ پارێزگههێ كرن، ئۆپهراسیۆن بۆ دهسهسهركرنا كهسێن مایى ژى بهردهوامه.
