کار پشكه‌كا سەرەکییا ژیانا مرۆڤییە بۆ برێڤەبرنا ژیانێ، لێ رۆژ ب رۆژ رێژا بێکاریێ بلند دبیت و چالاکڤانەک دبێژیت ژنان شیانێن باش یێن کاری ھەنە لێ دەلیڤێت کاری دکێمن.
شرین ئه‌حمه‌د، ئێک ژ وان کچێن دەرچوویە بۆ خانى نیوز گۆت: ده‌مێ ھەشت سالانە خواندن ب داوى ئینای و تا نوکە بێ کاره، ژبه‌ركو نه دامەزراندن ھەیە و نەکارەک کو ب بسپۆریا وێ ڤە گرێدایب بیت، لەوا وێ یه‌كێ ئەو تووشی خەمۆکی و بێزاریێ کرییە د مال دا.
دەروونناس سیپه‌ل عه‌بدولستار بۆ خانی نیوز گۆت: بێکاری گەلەک دەرفەتێن دودلی و بێزاری و ھزرکرنێ ل نك مرۆڤان پەیدا دکەت، ژبه‌ركو پتریا دەمێ خوه د مال دا دبوورینن و دەمێ دمینە ب تنێ گەلەک ھزر بۆ پەیدا دبن و دبنە ئەگەرێ نەخۆشیێن دەروونی، لێ دەمێ کاربکەت ھزرا دێ ب کاری ڤە مژوول بیت و ھند دەلیڤە نابیت بۆ ھزرکرنێ و دێ ژ نەخوشیێت دەروونی دوور کەڤیت.
بەفرین ئۆسمان، چالاکڤان د بیاڤێ چڤاکی دا دیار کر، کارکرن ئێک ژ وان ئەگەرایە کو ئارامیەکێ ب مرۆڤی دبەخشیت، سەرەرایی وێ ماندیبوونا مرۆڤ پێڤە دبینیت، بەرۆڤاژی دگەل بێکاریێ کو دبیتە ئەگەرێ ھزرکرنا زێدە، مخابنی ڤە گەلەک ژن ژی بووینە ئێخسیرێن ڤان ھزران، رۆژ ب رۆژ پێدڤیێن ژیانێ پتر لێ دھێن، لەورا ھەرکەسەک ژی پێدڤی ب داھاتەکێ ھەیە بۆ بدەستڤەئینانا ڤی داھاتی ژی پێدڤی ب کاری نە بۆ ب رێڤە برنا ژیانێ، لەورا یاگرنگە حکومەتێ پلانەک ھەبیت کو دەلیڤێن کاری بۆ ڤان ژنان دابین بکەن چ ب رێکا دامەزراندنێ یان دانانا پرۆژان بۆ گەنجان.
بەفرینێ گۆت ژی: ژنان شیانێن باش یێن کاری ھەنە دڤێت کەرتێ تایبەت و رێکخراو خوە ل شیان و بەھرەیێن وان بکەنە خودان.
خانی نیوز: مەنیجا ئەیوب
