فرۆكهیێن شهركهرێن ئهمریكا میلیشیایێن سهر ب ئیرانێ ڤه ل سووریێ بۆمبهبارانكرن و هێزێن ئهمریكى ل ئیراقێ كهفتنه حالهتێ ئامادهباشیێ.
ل گۆرهى ئاگاهیێن میدیایێن ئیراقى، فرۆكهیێن شهركهرێن ئهمریكا ئهڤرۆ سپێدێ میلیشیایێن سهر ب سوپایێ پاسدارێن ئیرانێ ڤه ل باژارێ مهیادین سهر ب پارێزگهها دێرهزوورێ ڤه ل رۆژههلاتێ سووریێ بۆمبهباران كرن و ب دههان ژ وان میلیشیایان كوشتن و بریندار كرن.
میدیایێن ئیراقى ئاشكرا ژى كر، وهكو بهرههڤییهك بۆ ههر دهستدرێژیهكا میلیشیایێن حهشدا شهعبى ل ئیراقێ، ئهمریكا هێزێن خوه و بالیۆزخانهیا خوه ل بهغدا ئێخستنه حالهتێ ئامادهباشیێ.
پشتى چهندین شهڤێن بوورى بالیۆزخانهیا ئهمریكا ژ ئالیێ میلیشیایێن سهر ب ئیرانێ ڤه ب مۆشهكان بوویه ئارمانج و ب تنێ زیانێن ماددى ههبوون، ئهمریكا راگههاند بوو، ههر هێرشهكا ل سهر بالیۆزخانه و هێزێن وان ل ئیراقێ بهێته كرن، ئیران ژێ بهرپرسیاره و دێ بهرسڤا وان د ناڤا ئیرانێ و ئیراقێ و سووریێ دا هێته دان.
