خانی نیوز:
جێگرێ سهرۆكێ جڤاتا نوونهرێن ئیراقێ راگههاند لگۆری ئهوان گوتنێن كۆ ژلایێ هندهك لایهنێن سیاسی ڤه، هاتینهكرن، بریاره سوبههی رۆژا ئێك شهمبی پرۆژهیێ بۆدجا سالا 2021 بگههته جڤاتا نوونهران، بریار بوو بهری سهرێ سالێ ئانكو ههفتیا بوری پرۆژه گههشتبا جڤاتا نوونهران، بهلێ ههتا نوكه نهگههشتیه.
د.بهشیر خهلیل حهداد جێگرێ سهرۆكێ جڤاتا نوونهرێن ئیراقێ راگههاند گرفتا سهرهكی یا بهرسنگێ نه رهوانهكرنا پرۆژهیێ بۆدجا 2021 ، زۆریا مهزاختیان و بابهتێ كورتئینانێ یه د پرۆژهی دا، ههر چهنده بریار بوو بهری سهرێ سالێ ئانكو ههفتیا بوری پرۆژه بهێته رهوانهكرن بۆ جڤاتا نوونهران، ههتا نوكه نههاتیه رهوانهكرن، لگۆری ئهوان ژێدهرێن هاتینه بهلاڤكرن كو بریاره سوبههی پرۆژه ژلایێ جڤاتا وهزیرانڤه بهێته رهوانهكرن بۆ جڤاتا نوونهران، ل گهل گههشتنا وێ خاندن بۆ برگه و مادهیێن دناڤا قانوونێ دا هێتهكرن، بێگۆمان دێ ههیڤهكێ یان زێدهتر ڤهكێشیت، پێدڤیه پرۆژه وهك ئهڤا ههی بهێته پهسندكرن.
جێگرێ سهرۆكێ جڤاتا نوونهرێن ئیراقێ راگههاند ژی جڤاتا نوونهران ب چ شێوهیهكی ل گهل ئهوێ چهندێ نینه كو دهستكاریا مووچهیێ فهرمانبهرێن ئاسایی بهێتهكرن، لژنا دارایی یا جڤاتا نوونهران ئهڤ چهنده رهتك
ریه” ههكه گوهورین ل مووچهی یان كێمكرن بهێنهكرن، دڤێت بهس پلهیێن بلند بخوڤه بگریت ب تایبهتی ههر سێ سهرۆكاتیێن ئیراقێ.
بهشیر حهداد ئهو چهنده ژی دیاركریه پاشكهڤتنا بۆدجا 2021 كارتێكرنهكا خراب دێ ل سهر رهوشا دارای و ئابوورێ ئیراقێ كهت.
