خانى نیوز:
میدیایێن فه‌رمى یێن ئیرانێ ل سه‌ر زارێ به‌رپرسێن هه‌وارهاتنێ ته‌هرانێ ئاشكرا كرییه كو دوهى رۆژا ئه‌ینى خه‌لك بۆ گه‌ریانێ چووبوونه بلنداهیێن چیایێن( كه‌له‌كچا دار ئاباد و ئاهار)، كو ب ئه‌گه‌رێ ره‌نیا به‌فرێ هه‌شت كه‌سان گیانێ خۆ ژ ده‌ست دا و حه‌فتێن دى ژى دبێ سه‌رو شینن.
چه‌ندین تیمێن چیاڤانیێ و هه‌وار هاتنێ ب هانا وى خه‌لكى چووینه، به‌لێ هه‌تا نوكه حه‌فت كه‌س دبێ سه‌روشینن.
ده‌وروبه‌رێن ته‌هرانێ چه‌ندین چیایێن بلند و ده‌ڤه‌رێن گه‌شتیارى لێ هه‌نه وه‌كى ده‌ماوه‌ند، تووچال، دركه، كو خه‌لكه‌كێ زۆر د وه‌رزێ زڤستانێ دا به‌ره‌ڤ ڤان جهێن گه‌شتیاریڤه دچن و ب تایبه‌ت جهێن خلیسكانێ.
میدیایێن ئیرانى ئه‌و چه‌نده ژى دیاركرییه كو چێ دبیت 100 كه‌س دناڤ به‌فرێ دا د بێ سه‌رو شوێن ببن و چێدبیت ژمارا قوربانیان زێده‌تر ژى بن.
