خانى نیۆز
فەرید حەقپەنا، رێڤه‌به‌رێ گومركێن باشماخى یێ مه‌رێوان بۆ میدیایێن ئیرانێ راگه‌هاندییه، كو ده‌روازه‌یا هاتن و چوونا گه‌شتیاران یا ڤه‌كرییه و خه‌لك ل دووڤ به‌رچاڤ وه‌رگرتنا رێكارێن ساخله‌میێ دشێن هاتن و چوونێ دكه‌ن.
فەرید حەقپەنا ئاماژه ب وێ چه‌ندێ ژى كرییه كو ب بزاڤا كونسلخانا كومارا ئیسلامیا ئیرانێ و ب بریارا وه‌زاره‌تا ناڤخۆییا حكومه‌تا هه‌رێما كوردستانێ ئه‌ڤرۆ 26-12- 2020 یێ رێكا هاتن و چوونێ ل خالا سنوری یا باشماخ ئاسایى بوویه.
و ژ لایه‌كێ دیڤه، شاخه‌وان عه‌بدولا، رێڤه‌به‌رێ گومركێن باشماخ ل پێنجوین دیاركرییه، كو بریارێن وه‌زاره‌تا ناڤخۆییا حكومه‌تا هه‌رێما كوردستانێ چ گوهورین ب سه‌ردا نه هاتینه و ژبه‌ر رێكارێن به‌لاڤبوونا جورێ دووێ و یێ سیێ یێ كورونایێ، خالێن سنورى تا كو 15-1-2021 ناهێنه ڤه‌كرن.
و ل دووڤ ئاخفتنا شاخه‌وان عه‌بدوللا، بتنێ خه‌لكێ هه‌رێما كوردستانێ دشێن ژ ئیرانێ و رۆژهه‌لاتا كوردستانێ بڤه‌گه‌رنه ڤه و هه‌لگرێن پاسه‌پورتێن ئیرانێ ژى دشێن بۆ ئیرانێ و رۆژهه‌تا كوردستانێ بڤه‌گه‌رن، به‌لێ رێك ب گه‌شتیاران ناهێته دان.
رێڤه‌به‌رێ خالا سنوری یا باشماخ- پێنجوین به‌حسێ وێ چه‌ندێ ژى كرییه، كو بتنێ ئه‌و رێك نه‌هاتییه گرتن و ده‌لیڤه بۆ هاتییه دان ئه‌و ژى رێكا هاتن و چوونا بازرگانییه كو ب شێوه‌كێ ئاسایى كارێن خۆ ب رێڤه دبن.
