جێگرێ سەرۆک پەرلەمانێ کوردستانێ راگەھاند، بریارە شاندێ بلند یێ دانوستاندکارێ حکومەتا ھەرێما کوردستانێ بۆ بەغدا پشتی کۆمبوونا پەرلەمانی، سەردانا حزبێن سیاسی ھەرێما کوردستانێ بکەت.
ھێمن ھەورامی، جێگرێ سەرۆک پەرلەمانێ کوردستانێ ئەڤرۆ رۆژا دوشەمبی د پرێسکۆنفرانسەکی دا ھەولێرێ ل دۆر کومبونا شاندێ دانوستانکار و پەرلەمانی راگەھاند، نامەیەکا فەرمی ئاراستەی حکومەتا ھەرێما کوردستانێ کربوو، ژبۆ ھندێ دەمێ ڤەگەریانێ شاندێ بلندێ دانوستاندکار، بچیتە پەرلەمانێ کوردستانێ دا کۆمبوونەکا بەرفرەھـ دگەل سەرۆکایەتیا لیژنێن دارایی، سامانێن سروشتی و قانوونی و سەرۆکێ سەرجەم فراکسیۆنان بکەن.
ھەورامی دیار ژی کر کو پێشتر حکومەتێ راپۆرتەک ل دۆر وێ یەکێ دابوو پەرلەمانی و چەندین ھورکاتی ئاشکراکربون و گۆت: شاندێ دانوستاندکار دێ دگەل حزبێن سیاسی کۆم بیت و ل بەرە شاندەکێ سیاسی یێ ھەرێما کوردستانێ سەرەدانا بەغدا بکەت، لێ ژڤانێ سەرەدانێ دیارنینە.
شاندێ دانوستاندکار دێ سەرەدانا حزبێن کوردستانێ کەت
